أحمد آدم: عادل إمام بيفيد كل اللي معاه ومحمد صبحي ديكتاتور (فيديو)

أكد النجم أحمد آدم، أن العمل مع الزعيم عادل إمام مختلف تماما، مشيرا إلى أنهما تجمعهما علاقة صداقة من قبل المشاركة في فيلم المنسي.

وقاال أحمد آدم، خلال حواره مع الإعلامية أسما إبراهيم في برنامج 'حبر سري' المذاع على قناة القاهرة والناس: 'الشغل مع عادل إمام حاجة تانية وهو كان بيحبني قوي ولما عرفته على المستوى الإنساني حبني أكثر وأنا من جمهوره'.

وأضاف أحمد آدم: 'عادل إمام مع أصحابه بيشيل كل الحواجز وبيبقى في تواضع وبيطلب رفع الألقاب، وهو بيفيد كل اللي معاه وبيشوف الدائرة اللي حوله وهو محترف وفنان وإنسان'.

أحمد آدم: محمد صبحي ديكتاتور

ورد أحمد آدم، على حقيقة ديكتاتورية محمد صبحي في أعماله، قائلا: 'محمد صبحي مؤمن بديكتاتورية التنفيذ وديمقراطية الحوار، وهو من أعظم مخرجين الوطن العربي وعمل مسرحيات تفضل شغالة لـ30 و40 سنة وأفكارها عالمية يتفرج عليها أي حد، وهو بيبقى في دماغه تركيبه وشكل الضحك والموضوع وبيبقى لهم تركيبة صعب تخش تبوظها، وهي مش ديكتاتورية على قد ما هي أن الممثل جزء من الصورة مش الصورة كلها'.

آخر أعمال أحمد آدم

يذكر أن آخر أعمال أحمد آدم فيلم '200' جنيه، وطرح بالسينمات عام 2021 ، وشارك في بطولته أحمد السقا وأحمد رزق وهاني رمزي وإسعاد يونس وخالد الصاوي وطارق عبدالعزيز وليلى علوي ومي سليم وأحمد السعدني ومن إخراج محمد أمين.