الراقصة صفوة: اكتئبت وشعري وقع بسبب جوزي

كشفت الراقصة صفوة تفاصيل عن حياتها الشخصية، خلال لقائها مع الإعلامية مروة صبري، في برنامج قعدة ستات، المذاع على شاشة القاهرة اليوم.

اكتئاب الراقصة صفوة

وقالت صفوة في حديثها بالبرنامج، إنها مرت بحالة اكتئاب حادة تسببت في سقوط شعرها بالكامل، وتابعت:'أنا اتطلقت من جوزي 3 مرات ومرتين لأسباب لا داعي لذكرها، وآخر طلقة جالي اكتئاب وشعري وقع وبقيت أركب بواريك لدرجة مفيش شعر أركب فيه بنس الباروكة، منهم فيلم الرغبة ساعتها كنت لابسة باروكة وناس كتبوا إني مش هشتغل تاني وبمر بفترة اكتئاب'.

وتابعت صفوة حديثها قائلة:'الرقص مهنة صعبة لأن الراقصة بتشتغل مع أكثر من 40 راجل، ولكني اعتزلته من 14 سنة وبذلت مجهود كبير عشان أثبت نفسي في التمثيل وأمحي لقب راقصة لأن كلمة راقصة المجتمع مش بيقبلها وخاصًة لو مجتمع شرقي، على الرغم من إني كنت بكسب كتير من الرقص'.

وعن عالم الراقصات قالت صفوة: 'الراقصات المحترمات أصبحوا قليلين، منهم بوسي، دنيا، وفيفي عبده ودول فنانات وراقصات محترمات وفوق دماغي، ولكن مع الأسف شغلهم أصبح أقل ومن 10 سنوات ظهر العديد من الراقصات زي صافيناز وكل مال عري زاد ما الراقصة بتكبر'.