كشفت مساعدة المخرج ندى منير عن تفاصيل جديدة بشأن أجر مساعدة الفنانة دينا الشربيني، وكتبت ندى عبر حسابها الرسمي بموقع التواصل الاجتماعي 'فيس بوك' قائلة: ' شهادة حق.. دينا الشربيني معملتش محضر للذهب اللي مسروق.. المساعدة هي اللي خلصت رزقها من الستر وراحت تبيعه والناس شكت لأن المسروقات مميزة وبلغت البوليس وقبضوا عليها، في الوقت ده دينا كانت في دبي في بروجكت هناك كلموها من مكتب رئيس المباحث كان المحضر اتعمل وهي اعترفت بالسرقة فتحولت للنيابة'.
وأكملت: «دينا قطعت سفرها لشغلها ورجعت امبارح علشان تطلعها من النيابة، وقالت بالكدب إنها اديتهم ليها، علشان خاطر متتحبسش وراحت القسم بعديها علشان يطلعوها علشان تروح عزاء أمها اللي ماتت من تصرفات بنتها'.
وتابعت: «للعلم قبضها في اليوم ٦،٥٠٠ جنيه بتقبضهم من الإنتاج اللي حقيقي مفيش مخرج منفذ قبضه كده في اليوم، يعني المساعدة دي مش فقيرة ولا هي مظلومة هي إنسانة طماعة وأذت دينا كتير جدًا وكانت بتطلب حاجات على اسمها من الإنتاج تحت مسمي الأستاذة عايزه كده وكل إنتاج مصر اللي اشتغل معاها عارف اللي بحكيه ده.. كفاية بقى المتاجرة بالناس وكفاية بقى فكرة أصل علشان فقيرة وترديد الكلام زي الببغان.»
وأضافت: «دينا قطعت سفرية شغلها وأنكرت سرقتها وهي المجني عليها، علشان تنقذها من السجن، دينا فضلت مصممة إنهم يفرجوا عنها وطلعتها من القسم علشان تلحق عزاء أمها من واحدة حقيقي ظروفها متخليش توصل نفسها لده مفيش دكتور في مصر قبضه ٦،٥٠٠ جنيه في اليوم، فهي مش فقيرة ومش غلبانة، الغلبانة حقيقي اللي معمول شوشرة عليها ظلم من واحدة سرقاها وهي الي أنقذتها من السجن وتنازلت عن حقها».
الصفحة الرسمية لوزارة الداخلية تنفي تقدم دينا الشربيني ببلاغ ضد مساعدة منة فضالي
نفت الصفحة الرسمية لوزارة الداخلية، ما انتشر مؤخرًا حول تقدم النجمة دينا الشربيني، ببلاغ ضد مساعدة الفنانة منه فضالي، عقب سرقتها لمجوهراتها، وذلك لعدم علم الشربيني في بادئ الأمر بأنه تم سرقتها لعدم تواجدها داخل القاهرة، واكتشاف السرقة تمت من قبل الداخلية بمحض الصدفة.
ونشرت الصفحة بيان حول قصة القبض على مساعدة الفنانة منه فضالي، والتي سرقت مجوهرات الشربيني، قائلة: 'عقب رصد تداول منشور مصحوب بصورة لسيدة على حساب شخصى لإحدى الفنانات عبر موقع التواصل الإجتماعى 'فيس بوك' يتضمن استغاثتها من اختفاء 'مساعدتها' مدعيةً تعرضها لواقعة خطف، بالفحص وإجراء التحريات أمكن تحديد صاحبة الصورة وتبين أنها (ربة منزل - مقيمة بدائرة قسم شرطة الزاوية الحمراء بالقاهرة).
تابعوا آخر أهل مصر على Google News
