فيفي عبده لـ المصورين: من فضلك ارفع الكاميرا وأنت بتصورني عشان اللغد مايطلعش (فيديو)

وجهت الفنانة فيفي عبده، رسالة للمصورين في مختلف المناسبات التي تلقاهم فيها بسبب ظهورها بشكل لم يلق إعجابها.

ونشرت فيفي عبده، مقطع فيديو عبر حسابها الرسمي بموقع 'انستجرام' استخدمت خلاله فلتر العروسة، قالت فيه: 'أرجوكم أي حد بيصورني في أي مناسبة ابقى طلع الكاميرا لفوق عشان أنت بتطلع اللغد وترجعني متعقدة من حياتي، أنا مش هعرف أعمل عمليات يا جماعة، لا هعرف اعمل لغد ولا هعرف اعمل حاجة، فمن فضلك ارفع الكاميرا وانت بتصورني عشان اللغد مايطلعش'.

A post shared by Fifi Abdou (@fifiabdouofficial)

وأضافت فيفي عبده: 'شوفوا أنا قمر من غير حاجة أهو، بس معرفش ايه اللي حصل ساعتها، اللغد دا جيه منين مش عارفة'.

آخر أعمال فيفي عبده

كان آخر أعمال فيفي عبده مسلسلًا بعنوان شغل عالي، عُرض في الموسم الرمضاني الماضي 2022، والعمل من بطولة شيرين رضا وفيفي عبده ومروان يونس، بجانب عدد من ضيوف الشرف من بينهم بيومي فؤاد، ونضال الشافعي، ونجم كرة القدم ميدو، والعمل من إخراج مرقس عادل وتأليف حسين مصطفى محرم.