كشفت الفنانة دينا، عن عدد زيجاتها، مشيرة إلى أنها حرصت قبل كل زيجة لها على تأكيد رغبتها في مواصلة الرقص بعد الزواج، وأنها لا تقبل الخيانة.وقالت دينا، خلال لقائها مع الإعلامية لميس الحديدي في برنامج 'كلمة أخيرة' المذاع عبر قناة 'أون': 'إتجوزت 9 مرات، وده قليل مش كتير، تحية كاريوكا إتجوزت 13 مرة وأنا بنافسها'.
وأضافت دينا: 'أقصر جوازة استمرت سنة، وأطول جوازة استمرت 5 سنين وشوية، وجوازة سامح الباجوري سنتين، لكن كان عمره الله يرحمه'.دينا تكشف عدد زيجاتها على الهواء: بتنافس مع تحية كاريوكا هي اتجوزت 13 مرة.. ولميس: مش كتير يا دينا؟#كلمة_أخيرة#دينا pic.twitter.com/8NHrRYsYYc
— ON (@ONTVEgy) February 12, 2023
وأوضحت دينا أنها تعرضت للخيانة كثيرا، مضيفة: 'زمان الشغل كان من 9 مساء لـ 6 صباحا كل يوم، أكيد الراجل اللي يستحمل كده ياخد جايزة نوبل'.
دينا: مش بواجه الخيانة وبفضل أمشي
وردا على سؤال كيف تصرفت مع الخيانة قالت: 'أنا مش بواجه وأفضل أمشي، لإنها جوازات بلا أولاد'.
وخلال اللقاء، تحدثت دينا عن محاولتها لتصحيح الصورة النمطية عن الراقصة بقولها: 'حاولت أخلى الناس تعيد النظر في فكرة الرقاصة المنحلة اللي معندهاش كبير، عديمة الأخلاق ودايما تتكلم بشتايم، وإنها خطافة رجالة وبتعرف الناس عشان فلوسها'.
وتابعت دينا: 'أنا طول عمري قدامي أغنى ناس، وعمري ما فكرت أرتبط بإنسان مش بحبه، ممكن يكون أقل راجل لكن فيه مواصفات أنا عايزاها'.
آخر أعمال دينا
يذكر أن دينا تتواجد في الموسم الدرامي الرمضاني 2023، من خلال مسلسل 'حضرة العمدة'.
وبدأت دينا، مؤخرا، تصوير مشاهدها في العمل، الذي تجسد فيه دور فلاحة لأول مرة.
تابعوا آخر أهل مصر على Google News
