كشف الفنان تامر حسني عن تفاصيل وأبطال فيلمه الجديد 'تاج'، والذي من المقرر بدء تصويره خلال الفترة المقبلة.
وقال تامر حسني خلال لقائه في برنامج THE' INSIDER بالعربي'، 'معانا ساندي بتغني وبتمثل وهتقدم دور جديد عليها، بجانب بيومي فؤاد، وإخراج سارة وفيق'.
وأضاف: 'مكنتش ناوي أخرج كل حاجتي، فيلم بحبك كان رومانسي وحبيت أظهر الحالة كمؤلف وكمخرج، وحبيت أقدم العمل كله وكان تحدي كبير بالنسبة لي، والحمد لله حقق أعلى إيرادات في تاريخ السينما المصرية والعربية'.
وتابع: 'حاليًا أحضر لأول سوبر هيرو عربي وبنعمله بالتقنيات العربية الحديثة وإن شاء الله يعجب الجمهور'.
أحمد التهامي يتهم تامر حسني بسرقة فيلم تاج
أتهم الفنان أحمد التهامي الفنان تامر حسني، بسرقة فكرته ومناقشتها، في فيلم تامر حسني الجديد 'تاج'، مؤكدًا أن فكرة التوأم الخارق هي فكرته الخاصة من الأساس، ومسجلة في المصنفات والشهر العقاري.
مش واخد حقي وساكت
وكتب التهامي منشورًا عبر حسابه الرسمي بموقع التواصل الاجتماعي 'فيسبوك': 'أنا سكت كتير عن حقي عشان مازعلش حد مني، اتشلت من أدوار كتير، وقولت مش مهم، ولحد دلوقتي مش واخد حقي الفني والأدبي والمادي اللي يليق بمجهودي وتعبي، في مشواري الفني'.
وتابع أحمد التهامي: 'قولت كل شيء نصيب والحمد لله على حب الناس والدنيا مستورة والحمدلله، إنما توصل إن مشروع عمري اللي أنا تعبت فيه وكتبته ولفيت بيه على معظم شركات الإنتاج، ولسة عندي يقين وإيمان بالله إنه هييجي يوم واعمله، يتسرق مني ويعمله حد تاني بغض النظر ده فيلمي ومشروعي'.
وأضاف: 'أنا أول واحد من 10 سنين فكرت في البطل الخارق وطول الفترة دي كان يتسرق أجزاء من الفيلم، وأقول عادي، إنما التوأم الخارق، ده بتاعي ومسجله في المصنفات والشهر العقاري'.
وأختتم أحمدالتهامي: 'تامر حسني صاحبي وأخويا، وأكيد مايعرفش المعلومة دي، أرجو الرسالة توصله لأن أكيد في ناس كتير مؤذية وحسبي الله ونعم الوكيل.. أنا حاولت أوصل لتامر حسني ومعرفتش'.
تابعوا آخر أهل مصر على Google News
