تحدث الفنان أحمد العوضي، عن تفاصيل مسلسل 'ضرب نار'، المقرر عرضه في سباق مسلسلات رمضان 2023.
مسلسلات رمضان 2023
وقال العوضي في مداخلة هاتفية له عبر برنامج 'كلمة أخيرة' الذي تقدمه الإعلامية لميس الحديدي على شاشة 'ON': 'هتشوفوا حاجة قيمة، وهيكون ليها صدى واسع جدا، إحنا عاملين حاجة مختلفة تماما عن مسلسل اللي مالوش كبير، قصة جديدة، وأحداث هيتفاجئ بيها الناس.. راجعلكم بالكوماندا جابر أبو شديد'.
وتابع حديثه قائلا عن دور زوجته الفنانة ياسمين عبد العزيز: '(مهرة) ليها قصتها في شبرا، ومكافحة..وهتكون قصة مهرة وجابر الكوماندا في مسلسل ضرب نار، مختلفة عن مسلسلنا في رمضان الماضي'.
وأردف: 'هتكون فيه قصة حب، لكن مختلفة تماما عن غزل والخديوي، لأن الأخير درامته عنيفة شوية'.
وواصل العوضي قائلا: 'عملت زي مسلسل اللي مالوش كبير، ونزلت الشارع، ودرست الشخصية.. بوعدكم هتتفرجوا على شخصية حقيقية تقدم مفردات جديدة وقديمة، ومفردات صعيدية، وهتكون أقوى من شخصية الخديوي وإفيهاته'.
وأكمل أحمد العوضي وعوده للجمهوره قائلا: 'انتظروا مسلسلا قويا، وهو مسلسل الشارع.. أنا بسميه كده عشان هو مسلسل قريب من الناس والشارع المصري ونتمنى يعجب الجمهور، ونبقى عند حسن ظنهم لأني اعتدت على تقديم شخصيات حقيقية في المسلسلات، وهتشوفوا مسلسل قوي جدا، ودراما حقيقية وقريبة من الناس'.
تابعوا آخر أهل مصر على Google News
