شاركت الإعلامية ياسمين عز صورة لها بإطلالة سوداء كلاسيكية، على موقع التواصل الاجتماعي لتبادل الصور والفيديوهات إنستجرام، وقالت معلقة عليها: 'إجازة أسبوع ولما أرجع أشوف عملتوا إيه مع الفرعون'.
View this post on Instagram
ياسمين عز: الراجل بيزعل أما ميلاقيش اسمه في قسم الحلويات في المنيو
قالت ياسمين عز: صحيت الصبح كان قلبي موجوع وقولت أول ما أطلع من البرنامج هعمل مناشد لكل الفراعين أصحاب المطاعم، اخدتي بالك إن أول ما جوزك يدخل المطعم ويفتح المنيو بيكون حاسس بحزن وألم عمرك سألتيه مالك يا فرعون لا انتي بتفكري في طبق الفتة اللي هتشفطيه وخلاص.
ياسمين عز: ليه مفيش طبق حلويات اسمه صوابع محمد أو حواجب مصطفى
وتابعت: هو زعلان عشان ملقاش اسمه في قايمة الحلويات، شيء غريب عجيب إن كل الحلويات أسماء ستات، أم علي ست وغزل البنات ست وبسبوسة ست صوابع زينب مفيش حلويات باسم الراجل، ليه مفيش طبق حلويات اسمه أبو أحمد أو صوابع محمد أو عيون محمود أو حواجب مصطفى، غزل الفرعون.
واختتمت ياسمين عز حديثها: أرجوا لكل أصحاب المطاعم إضافة طبق حلويات باسم الفرعون الكبير والصغير وأنا متبرعة بحقوق الملكية لمصنع السكر للراجل السكر، الراجل فين ده هو أصل الصناعة.
ياسمين عز: لو جوزك صاحب مطعم حطيه تاج فوق راسك
وأضافت: صاحب المطعم اللي جايلك عريس وافقي عليه عشان بيوفرلك الغدا كل يوم مفيش هناكل ايه النهاردة، اتجوزي صاحب مطعم لو اتقدملك، وحطيه تاج فوق راسك.
وتطرقت ياسمين عز بحديثها لموضوع أخر وهو لماذا يطلب الرجل يد المرأة وليس شيء أخر، فقالت: ليه الراجل أما بيتجوز الست بيطلب ايديها مش ودانها أو مناخيرها؟.. السبب الأول إن الإيد هي اللي بتطبخ يعني لازم تتعلمي تتطبخي وتتفلسفي في الطبخ، والحاجة الوحيدة اللي هيلبسك فيها خاتم هي ايديك، وأخيرا بيكون فاقد حنان وانتي اللي هتعوضيه عن الحنان ده والإيد هي الحاجة الوحيدة اللي بتطبطب.
ياسمين عز: طبطبي بايدك على كتاف جوزك بدل ما تيجي واحدة تطبقه وتاخده
وتابعت: لماذا نطبطب على كتف الرجل؟ شوفي التاريخ قالك ايه الراجل لو عيط محدش يجي جنبه لو بكى هيسكت لوحده لو حزن هيقولوا هو يفك لوحده، هو هيفك لوحده ازاي هنحطه في الميكرويف وانتي لو قولتي واء هيحننوكي ويطبطبوا عليكي هو مالهوش صاحب ولا أهل، طبطبي بايدك على كتاف جوزك بدل ما تيجي واحدة تطبقه وتاخده وتمشي.
واستكملت: حافظي على جوزك أنتي فتى أحلامك كان كابتن ماجد وربنا كرمك بفرعون حطيه على راسك وامشي، ومترزعيش باب عربية جوزك أي كان نوعها، واتعاملي معاه زي ما بتتعاملي مع باب تلاجتك متفتيش عربية جوزك ومتعوجيش المراية عشان تعدلي طرحتك، ومتستغليس ان جوزك نزل من العربية وبخفة يد تسحبي الموبايل وتقلبي فيه وتكتشفي السر الدفين وتعملي فيلم أنا والخائن بلاش الفيلم ده في العربية وشكلك وشكلنا بقى وحش وترجعي تقولي مش بيوصلنا ما هو من عميلك.
تابعوا آخر أهل مصر على Google News
