عمرو دياب: الفرق الموسيقية زمان كانت متطورة عن دلوقتي (فيديو)

كشف النجم الكبير عمرو دياب عن رأيه في الفرق بين الأعمال الموسيقية حاليا، والفرق الموسيقية التي انتشرت في السبعينيات والثمانينيات.

وقال عمرو دياب، خلال لقائه مع الإعلامي عمرو أديب في برنامج 'الحكاية' المذاع عبر قناة 'إم بي سي مصر': 'أيام هاني شنودة وعزت أبو عوف، وسمير حبيب، وعمار الشريعي، ومودي وحسين الإمام، ويحيى خليل، وعزيز الناصر، وفتحي سلامة، وفرقة الحب والسلام كانت فرق هواة، بمعنى إنهم ممكن يقدموا اللي هما عايزينه، بدون ارتباط بمتطلبات السوق'.

وأضاف: 'أنا مبسوط إني ابتديت وقت الفرق دي عشان أتعلم منهم، وزمان كان الاهتمام بالهارموني والفكرة متطور شوية عن دلوقتي'.

عمرو دياب: هاني شنودة له فضل عليه

كما أعرب عمرو دياب، خلال اللقاء، عن سعادته بالمشاركة في احتفالية تكريم الموسيقار هاني شنودة في الرياض قائلا: 'هاني شنودة له فضل عليا، لأن في البدايات مفيش حد بيهتم بحد، لكن هو كان نجم كبير ومشغول بفرقة المصريين، وعنده موسيقى تصويرية في السينما والتليفزيون، ولما شاف واحد عنده 20 سنة عايز يغني قاللي إنزل مصر، وأخذني لعبد الرحيم منصور وصلاح جاهين والإذاعة، ودخلني الأستوديو وعلمني إزاي أقف قدام ميكروفون وأغني'.

وتابع: 'ده درس لنا كلنا، إننا إذا لقينا حاجة كويسة ندعمها'.

وتطرق عمرو دياب للحديث عن الطريقة التي يفكر بها في توقيت طرح أغانيه قائلا: 'أنا عايز أشتغل علطول وأنتج وأنزل أغاني، ده مش مرتبط بألبومات، بحاول أصحى كل يوم أشتغل، ولو طلع منتج حلو أقدمه للناس'.

ووجه عمرو دياب رسالة لجمهوره قال فيها: 'أشكرهم لإنهم واقفين معايا كل الوقت ده، ويا رب أكون عند حسن ظنهم، وهفضل طول الوقت أشتغل عشانهم'.