حالة من القلف والخوف تسيطر على الفنانة رحمة حسن، بعدما كشفت مؤخرا عن معجب يتربص بها ويسيطر على حساباتها على مواقع التواصل الإجتماعي ويعرف جميع تحركاتها، ويسبب قلقا كبيرا لها.
أزمة رحمة حسن
وكتبت رحمة حسن عبر حسابها الشخصي على موقع إنستجرام مستغيثة، بأي أحد ليساعدها في هذا الأمر، ونشرت'سكرين شوت' من رسائل المعجب الأخيرة عبر إنستجرام، معلقة: 'الرسالة دي جاتلي النهارده من نفس الشخص.. واللي هو حاطه ده الاكونت الخاص بتاعي اللي عليه أصحابي البنات بس.. ياريت حد يتصرف لأن كده كتير'.
وردت رحمة حسن على استفسارات متابعيها عبر إنستجرام، قائلة: 'الشخص ده من سنتين وهو بيبعت رسايل غريبة وبيعمل حاجات غريبة وبيضايق كل صحباتي البنات لو نزل صورة أو حاجة معاهم وحتى الناس اللي بشتغل معاهم أو أصحابي في العادي بيدخل يدور على الأكونتات بتاعتهم ويبعتلهم أغاني وحاجات غريبة، ويسأل عني أنا فين وبروح فين وكل أصحابي مش واحد بس عمل كده مع أكتر من حد'.
كما تابعت في حديثها قائلة: 'متتبع الأماكن اللي بروح فيها ومش عارفة بيعرف منين! أنا بقالي سنتين على الحال ده آخرها المكان اللي كنت مفروض أروحه بكرة علشان شغل...!'.
وفي هذا الإطار نصحها عدد من متابعيها بأنها لابد أن تقوم بتقديم بلاغ رسمي للجهة المسؤولة عن الجرائم الإلكترونية، وردت عليهم بأنها بالفعل نفذت هذه الخطوة وبلغت مباحث الانترنت، كما حذرها آخرين بأنها يجب ان تحمل سلاح لتحمي نفسها، ووصف الشخص الذي يطاردها بأنه ربما يكون مريض نفسي ولا ينبغي أن يستهان بتصرفاته.
View this post on Instagram
وعادت الفنانة رحمة حسن وحذفت المنشور الخاص بها، وعلقت قائلة:'أنا هشيل البوست علشان ربما مش علشان حد قالي علشان مش عيب.. و أن شاء الله ربنا يهدي ويوفق يمكن تكون فرصة علشان نبقى أحسن'.
تابعوا آخر أهل مصر على Google News
