خالد سرحان: أنا اللي اخترت أجسد الدرويش في "سره الباتع" وكنت مرشحا لدور آخر بالمسلسل

كشف الفنان خالد سرحان، عن أنه اختار دوره في مسلسل سره الباتع، مشيرا إلى أن المخرج خالد يوسف رشحه لدور آخر في المسلسل.

خالد سرحان يكشف كواليس دوره في 'سره الباتع'

وقال خالد سرحان، خلال مداخلة هاتفية لـ برنامج 'التاسعة' المذاع على قناة الأولى المصرية، تقديم الإعلامي يوسف الحسيني:'أنا اللي اخترت الدور الخاص بي من خالد يوسف وكان مديني دور تاني وأنا اللي سألته مين هيعمل دور الدرويش فقالي لسه فقلت له عايز أعمل دور الدرويش'.

وأضاف خالد سرحان، أن دوره الأصلي كان شخصية إخواني ولكنه تحاور مع خالد يوسف وأقنعه فأعطى له شخصية الدرويش.

وتابع خالد سرحان: 'قلت لخالد يوسف مش عايز أعمل دور الإخواني عايز أعمل دور الدرويش'.

وأكمل: 'قلت لخالد يوسف الدور عاجبني وأنا حاسس هعمله حلو وبعد فترة قالي ما دام نفسك فيه قوي كده يبقى هتعمله كويس ووافق على الدور، وكلام الشخصية وحوارها ممتعة جدا ونكتشف فجأة أنه كان قاتل مأجور وتائب وشخصية ممتعة تمثيليا وذاكرتها بكل جوانبها ولم أعتمد على التقليد'.