تصدر اسم الفنانة نادية الجندي، محرك البحث العالمي 'جوجل' بعد تصريحات طليقها المنتج محمد مختار لبرنامج «حبر سري»، مع الإعلامية اسما إبراهيم، على قناة القاهرة والناس، ونفيه الشائعات التي ترددت عن طليقته نادية الجندي، وأحاديث محاولتها إحداث خلافات ووقيعة بينه وبين طليقته أيضا رانيا يوسف.
متأسف إني وضعتك في الوضع ده
وأكد المنتج محمد مختار عدم صحة اتهام نادية الجندي بمحاولة إحداث خلافات ووقيعة بينها وبين رانيا يوسف وبناتها، قائلا: «أنا بقول لنادية الجندي أنا متأسف إني وضعتك في الوضع ده، وأرجو تسامحني لأن هي ملهاش دعوة باللي حصل ده».
وكشف عن تفاصيل علاقته بـ نادية الجندي وقال: 'أنا ونادية أصحاب في الأساس، وهي مش سبب طلاقي، أنا بقول لنادية الجندي أنا متأسف أني وضعتك في الوضع ده وأرجوا تسامحني لآن هي ملهاش دعوة باللي حصل ده، وتصريحات رانيا يوسف عن نادية الجندي قد يكون سببها التريند'.
خلافات رانيا يوسف مع نادية الجندي
وكانت الفنانة رانيا يوسف، قد تحدثت عن العديد من المشاكل التي تعرضت لها، من أزواجها السابقسن، وقالت يوسف خلال لقائها مع برنامج 'العرافة': 'اتجوزت الجوازة التانية والتالتة عشان خفت على سمعتي بعد طلاقي من مختار، وكان فيه ضغط من المجتمع عليا، وكنت بعمل حساب للمجتمع لكن دلوقتي لا'.
وقالت رانيا: نادية الجندي كانت بتوقع بيني وبين جوزي، ومش هتكلم في تفاصيل، مينفعش يبقى فيه خلاف أو طلاق ويبقى فيه تقويم عليا وعلى بناتي'.
الحشيش في العربية
وأوضحت: 'ربنا يعلم، بالنوايا والنفوس والأعمال، لما يبقى فيه حرب دايماً من تحت لتحت، أنا لما بحارب حد بحاربه في وجهه وبشكل مباشر، ومش يحاربها، احاربها ليه؟ لا هاخد أدوارها، وهي مش محتاجة تاخد ادواري'.
وعن قضية المخدرات التي اتهمت بها، أوضحت يوسف: 'أنا عارفة مين اللي حطلي الحشيش في العربية بس معرفتش أثبت، لأن العربية كانت في جراج، وهو معاه المفتاح، وأثبت أنه أخد العربية يعملها صيانة، يكفيني أن الناس كانت عارفة أني بريئة، ربنا رب قلوب ونوايا، أنا لما اتجوزته كنت شايفاه ولد كويس أوي'.
وتابعت: 'هي نجمة شباك بفلوسها، أنا مش من جمهورها ولا عمري هكون من جمهورها، مكنش فيه حد على الساحة غيرها هي ونبيلة عبيد وعادل امام، انا مش معترضة أنها نجمة شباك، نادية الجندي إلى حد ما عندها موهبة، بحب ليها الباطنية والرغبة'.
تابعوا آخر أهل مصر على Google News
