أحمد السقا: أكل الثعبان كان تفريغ عصبي عشان مضربش رامز

قال الفنان أحمد السقا عن الثعبان الذى أكله أثناء حلقة رامز جلال نيفر، إنه كان تفريغ عصبي عشان مضربش رامز .

فاطمة مصطفى والسقا

أ

حمد السقا يتحدث عن مقلب رامز

وتحدث الفنان أحمد السقا خلال حلوله ضيفا في برنامج ''الراديو بيضحك مع فاطمة مصطفى'' عبر إذاعة ٩٠٩٠ حيث قال: '' أنا لحد ماطلعت فوق في مقلب رامز مكنتش اعرف حاجة وأدركت إنه رامز عندما وجدت أمور غير طبيعية تحدث في البرنامج زائد إنهم أخدوا البودي جارد بتوعي في أوضة بعيد عني وكنت لوحدى''.

وتابع: '' بمجرد طلوعي فوق ولقيت الكرسي بيتحرك أدركت إنه رامز فخلاص تمام مش هبوظ الحلقة يعني ، وكمان أنا من طابعي إني مش بغلط ولا بشتم ، زمان أثناء حلقة قرش البحر مع رامز إنفعلت وضربت الكاميرا مان لان ملابس كلها إتغرقت والمحفظة وكله فلما عرفت إنه رامز طبعا ضحكت عشان طلعت عبيط يعني''.

ما الذي يخيف أحمد السقا

وعند سؤاله إنت بتخاف من إيه قال أحمد السقا: '' بخاف من الحشرات كلها والأماكن العالية وكنت قاعد ثابت وانا فوق فالبرنامج عشان أمام الكاميرا أعمل أي حاجة ، وبالنسبة للثعبان فأنا فمرة كنت بعمل دور معين وكنت بعمل معايشة للمهام الصعبة ومن ضمن التدريبات كان الثعبان فأنا عندى خلفية للتعامل مع الثعابين''.

وتابع : '' وتابعت ردود أفعال الناس بعد الحلقة وكلهم قالوا كل الثعبان وأنا من عندك بعتذر لأصحاب حقوق الحيوان إني أكلت الثعبان ، ونفسي افهم حاجة واحدة أنا فضلت ماسك السمكة ليه''.