أحمد السقا: نمت على مسامير مبرودة في مسلسل حرب (فيديو)

كشف الفنان أحمد السقا، عن أنه كان ينام على سرير مكون من مسامير خلال أحداث مسلسل حرب مع الفنان محمد فراج، الذي عُرض في الثلث الأخير من موسم رمضان.

وقال الفنان أحمد السقا، خلال حلوله ضيفا في برنامج '' الراديو بيضحك مع فاطمة مصطفى'' عبر إذاعة ٩٠٩٠ عن مشهد السرير الموجود به مسامير: '' ده كان مشهد بجد وكانت مسامير حقيقية بس كانت مبروده من فوق مافيش سن لها، كانت مؤلمة أكيد بس لها قواعد معينة في الجلوس عليها إنه كان حد بيساعدني أنام وحد يساعدني أقوم من عليه وإلا جسمي هيتخرم''.

وأضاف أحمد السقا: '' في أحد المشاهد كنت نايم على المسامير دي وحد بيضربني عليها كنوع من العقاب لي، وكان الإرهابي بيفتكر في المشهد ده وهو صغير وقت ما كان يذهب أي تنظيم يقال عليه خاين ويطردوه لأنه كان بيقوم بقتل أمير الجماعة لكي يكون هو الأمير فكانوا بيضربوه وفي بعض الأوقات كانوا بيحلوا دمه وكان السرير نوع من العقاب له، وفي حلقة أمس كسر السرير، ووصل بتفكيره خلاص أنا مش هنام على السرير تاني ولا هتعذب تاني ولا هتبهدل تاني، وكان من شدة خوفه من السرير كان عنده واحد في البيت لكي يدرب نفسه عليه أثناء معاقبته''.

وعند سؤاله عن مشهد لقائه مع الفنان محمود البزاوي الذي تأثر به الجمهور، قال: 'الحوار كان إنه الإرهابي قال لمحمود البزاوي إنت عايز تعرف مين اللي قتل الشيخ حسان وهو الفنان محمود غريب، ليرد عليه ويقول أنا مش جاي أقتلك أنا جاي أقتل اللي قتل أبويا وبعد أن يقتله الفنان أحمد السقا يأخذ منه خاتم والده الذي كان معه'.