محمد سامي: أنا ضد تعدد الزوجات

قال المخرج محمد سامي، إنه ضد تعدد الزوجات، ولذلك فكر في تقديمها بطريقة يكون فيها انتقاد وليس لتوضيح مدى السعادة في التعدد.

وأضاف 'سامي'، في لقائه على فضائية 'الظفرة'، قائلًا: 'فكرة مسلسل جعفر العمدة ظهرلتي من عند الله، ودايما وانا ماشي بفتش عن خطوط وبحط في الدرج بحط 7 أفكار مختلفة اجمعهم في عمل درامي واحد'.

فكرة مسلسل جعفر العمدة

وأكمل: 'قبل اختيار لمحمد رمضان بشوف أنا بعمل مسلسل اية لمحمد رمضان النهاردة بعد اية، واشوف اية اللي يصلح ليه، بجانب الجذب الجماهيري، ورمضان كان محتاج شخصية شعبية زي رفاعي الدسوقي'.

وتابع: 'لما عملت جعفر العمدة كان السيناريو مكتوب لمحمد رمضان النجم، وهالة صدقي كنت كاتب ليها دور الحاجة وصيفة ومي كساب وأحمد داش نفس الأمر كان مكتوب ليهم الدور'.

وأردف: 'هالة صدقي ست جميلة وخفيفة الظل ويا بختي إن يتحط في تاريخي إني اشتغلت معاها، وأستاذتي الموهوبة الخلوقة اللي كانت معانا كلنا في حضنها وتعتبر هي العمود الفقري للمسلسل'.