تطورات الحالة الصحية لـ شيرين عبدالوهاب بعد سقوطها على المسرح ونقلها للمستشفى

تعرضت الفنانة شيرين عبد الوهاب، للسقوط من لى المسرح بالأمس، أثناء إحيائها حفلًا في إمارة دبي، وحرص إيهاب صالح، مدير أعمال الفنانة شيرين عبد الوهاب، على ان يطمئن جمهورها، ويكشف تطورات حالتها الصحية بعد سقوطها، وأكد على خروجها من المستشفى.

وكتب إيهاب صالح مدير أعمال شيرين عبر حسابه على تويتر: جمهور شيرين أنا دايمًا عارف أنكم سند وضهر ليها.. بس عمري ما كنت أتخيل أنكم بالحجم والعظمة دي بجد ما شاء الله.. عايز أطمنكم إن شيرين بخير.. وخرجت من المستشفى بعد شوية فحوصات وإشاعات على رجليها.. بعد ما تحاملت على نفسها عشان تكمل الحفل بنجاح.. شكرًا بجد على كل الحب والدعم ده.

سقوط شيرين عبدالوهاب على المسرح

وعلقت شيرين عبدالوهاب على الموقف فور وقوفها قائلة: 'عشان المنظمين مش بيتعلموا، المفروض السماعات تكون تحت مش على المسرح عشان نعرف نمشي، بكرة السوشيال ميديا هتمسك في لحظة وقوعي على المسرح.. بس ميقعش إلا الشاطر'.

وقالت شيرين عبد الوهاب لجمهورها: 'شوشو رجعت ومش هتغيب عنكم تاني أبدا'.

وتابعت: 'مش هقع متخافوش.. ومايقعش إلا الشاطر'.

وتقدم شيرين عبد الوهاب في حفلها اليوم الجمعة، باقة من أجمل أغانيها القديمة والحديثة، التي يستمتع بها الجمهور ومحبيها، ويأتي الحفل بعد فترة غياب نتيجة المشاكل التي حلت بها مؤخرا.