مساندا شريف دسوقي في أزمته.. مصطفى درويش: والله ما هسيبك لحد ما أموت

توفي اليوم الفنان مصطفى درويش، عن عمر يناهز 43 عاما، بعد إصابته بسكتة قلبية، وشيع جثمانه من مسجد الحصري بأكتوبر.

وفاة مصطفى درويش

وكان للفنان مصطفى درويش موقف إنساني مع الفنان شريف دسوقي، الذي تعرض منذ عامين، لأزمة كبيرة بعدما خضع لعملية جراحية نتج منها بتر قدمه.

وقتها وجه مصطفى درويش رسالة لشريف دسوقي عبر حسابه الشخصي 'فيسبوك'، قائلا رسالته: 'حقك عليا وحقك علينا كلنا، لا حول ولا قوه إلا بالله، اللي حصل لشريف دسوقي ده حرام حسبي الله ونعم الوكيل في اللي كان السبب، لو كان حد وقف من النقابة اتحرك قبل ما يتعمل فيه الكارثة دي كان اتلحق بس للأسف النقابة، قالت لبدرية طلبة لما استنجدت بيهم أصله مش عضو فمش هينفع نساعده من النقابة بس هنبقي نبعتلك مساعده شخصية'.

واضاف درويش: 'طبعا كتر خيركم وده قانون وعلى راسنا بس طاب كنتم روحوا هاتوه وقولو لينا ما كل المنتجين والممثلين معاهم فلوس يا جدعان وكله هنساعده ومحدش هيتأخر حتى كنا شوفنا حل قبل ما تحصل فيه الكارثه دي ويقطعو رجله ويترمي في مستشفى أقل ما يقال عنها تحت السلم بجد اللي حصل ده حرام'.

وأكمل : 'حقك عليا يا شريف سامحني والله ما كنت اعرف أنك في الحالة دي حقك عليا والله وقدام الجميع أهو والله ما هسيبك لحد ما أموت انت مسئول مني مسئولية كاملة حقك عليا وحقك علينا كلنا، الأستاذ جمال العدل اتكفل بمصاريف المستشفى والعلاج وأفراد والعصابة كلها متكفلة بكل حاجة، والأستاذة كاملة أبو زكري جابتله طرف صناعي من أحسن شركه للأطراف الصناعية، شكر لبدرية طلبة أنتي بميت راجل أنتي وناس إسكندرية'.

واختتم درويش حديثه بقول: 'تعديل دكتور أشرف ذكى تواصل معايا وفهمني الموقف وانا متفق معاه جداً والنقابة متكفلة بمصاريف المستشفي'.

يشار إلى أن مصطفى درويش بدأ مشواره الفني في عام 2011، وشارك حينها في فيلم 'كف القمر'، ومسلسل كيد النسا، ومسلسل فوق مستوى الشبهات'.

وشارك في مشواره الفني في العديد من الأعمال المميزة منها: 'أبو عمر المصري، نصيبي وقسمتك، بركة، ابو جبل، قوت القلوب حيانة عهد، بـ 100 وش، الا انا، كله بالحب، ضد الكسر، سوتس بالعربي، راجعين يا هوى'.

وشارك في موسم رمضان 2023 في ثلاثة أعمال: 'تلت التلاتة، اكس لانس، وسره الباتع'، وكان ينتظر عرض فيلما جديدا في السينما وهو فيلم 5 جولات.