زوجة حسن شاكوش تطلق تصريحات جديدة عن أزمتهما وتهاجم طليقها الأول

هاجمت ريم طارق زوجة مؤدي المهرجانات حسن شاكوش، طليقها السابق 'أحمد'، واتهمته بأنه شهر بها في تصريحات إعلامية.

وقالت ريم طارق، في مداخلة هاتفية لبرنامج 'حضرة المواطن'، على قناة 'الحدث اليوم': 'أنا مش مستوعبة، المشكلة الأساسية إن أنا بيتشهر بيا من واحد مالوش أي صفة ولا أي علاقة بيا، ومش عارفة علاقته إيه بحكايتي عشان يطلع على التيلفزيون'.

وتابعت: 'طالع يشهر بيا بصفته إيه، هو مين، إيه علاقتى بيه؟!، دلوقتي دا واحد عليه قضايا، ومازالت مستمرة، وبيشهر بيا عشان أتنازل عن القضايا، عمري ما هتنازل بعد التشهير دا كله، أنا بقى مشكلتي الأساسية مع البني آدم دا'.

وعن خلافتها مع حسن شاكوش قالت: 'حسن شاكوش لحد دلوقتي المسألة بينا عائلية ملهاش تدخل في الإعلام، أنا بتكلم مع حضرتك بخصوص البني آدم اللي طلع شهر بيا، لازم الجهات تأخد الإجراءات ضده ملهوش صفة'.

وتفجرت أزمة مؤخرا بين حسن شاكوش وزوجته بعد نحو 3 شهور زواج، وحررت ضده محضرا تتهمه فيه بسرقة متعلقاتها وطردها من منزلهما بمنطقة أكتوبر، والاستيلاء على المنقولات الزوجية وشبكتها وإيصال أمانة لصالحها بديلا لمؤخر الصداق.

وبدوره حرر حسن شاكوش محضرا ضدها كذلك، واتهمها بسرقة نصف مليون جنيه والهروب من المنزل.