علق الفنان محمود حميدة على واقعة ذكرها الفنان بيومي فؤاد حول استبداله في فيلم 'مطرح مطروح' بـ حميدة، وتعبه بسبب ذلك خاصة أن الفيلم من فكرته.
وقال محمود حميدة، خلال لقائه في برنامج 'The Insider بالعربي': 'أنا موقفي في الحاجات دي ثابت من زمان ولو أنا كنت أعرف الموضوع ده مكنتش هوافق على العمل، المخرج وائل إحسان قال لي أن هو عرف وهو في نص العمل الموضوع الخاص ببيومي فؤاد وهو خاف يقولي لمكملش الفيلم'.
وأضاف محمود حميدة: 'طبعا أنا معرفش أنا كنت هعمل إيه ساعتها، بس أنا في المواقف دي طبعا برفض، ولو عرفت الحكاية دي، وخصوصا إذا كانت هتسبب ألم، لأن أنا عمري في حياتي ما عملت كده، أنا كنت دايما لما طلعت كنت بعمل لـ أحمد زكي ومحمود عبد العزيز وفاروق الفيشاوي، ولما كان بيحصل موضوع زي ده ويقولولي العمل ده كان المفروض يعمله فاروق بس أنت هتعمله أسالهم فاروق عرف، يقولوا اه، أقولهم كلموه'.
بيومي فؤاد: تعرضت للغدر من محمد السبكي
يذكر أن بيومي فؤاد صرح في برنامج 'أنا والقناع' في رمضان 2023، أنه تعرض للغدر من المنتج محمد السبكي، وأدى ذلك لارتفاع ضغط عينه بطريقة خطيرة، قائلا: 'محمد السبكي يعلم هو عمل إيه، أعطيته فيلمي، وناس كتير وجامدين طلبوا مني يعملوا الفيلم لكن أنا فضلته، ولما الؤلفين اشتكوا من الأجر دفعت لهم من جيبي ليقبلوا التوقيع، بعد توقيع المؤلفين جاب محمود حميدة يعمل الفيلم، وهو مطرح مطروح'.
وأضاف: لما سمعت الخبر ضغط عيني وصل فوق 50 والطبيعي 20، وكان لازم عملية.
فيلم مطرح مطروح
فيلم 'مطرح مطروح' بطولة محمود حميدة، كريم عفيفى، ليلى أحمد زاهر، شيماء سيف، سامى مغاورى، محمد السعدنى، شريف ثروت ومحمدى القاضي وتأليف محمد عز وإخراج وائل إحسان.
تابعوا آخر أهل مصر على Google News
