لبنى ونس: رجعت للتمثيل بدور كومبارس متكلمة وتعامل الإنتاج كان مهينا

روت الفنانة لبنى ونس كواليس عودتها للتمثيل بعد غياب عن الساحة الفنية، وذلك في حوارها ببرنامج واحد من الناس مع الإعلامي عمرو الليثى بقناة الحياة.

وقالت لبنى ونس في حديثها:'الإيد البطالة هي اللي تهين، أنك تعتمد على حد او تمد أيدك تأخد من حد ده اللي مهين، أما العمل مفهوش اي اهانة ايا كان العمل، الفكرة أن المسلسل اللي اشتغلت فيه كنت جايا تبع المجاميع مش ممثلة كان دور كومبارس متكلم، جملة واحدة وسط المجاميع بقولها'.

وتابعت:'المخرجة مريم أبو عوف انبهرت بأدائي قالتي أنتي اصلا منقبة، قلت لها لا مش منقبة، قالت بس الصوت ده حاسة أني سمعته قبل كدا ممكن أشوف وشك، خلعت النقاب، و قالتلي ايه ده استاذة لبنى ونس انا عرفاكي أنا كنت بحبك اوي ايه خلاكي تعملي كده، قلتلها كنت عايزة أنزل شغلي وقلت أعتمد على نفسي، والدور كان بالنقاب واحدة منقبة واقفة في طابور الانتخابات، وعملت الدورة'.

وأضافت لبنى ونس: 'الإنتاج كان بيتعامل بشكل سيء ومهين جدا، بس أنا مخدتهاش على قلبي لو خدتها على قلبي كنت رجعت البيت ومطلعتش تاني، خدتها على أنه معندوش وعي وثقافة العمل، فديما اي حاجة كانت بتواجهني بقبلها بنفس راضية'.

يشار إلى أن الفنانة لبنى ونس حققت نجاحا كبيرا في سباق مسلسلات رمضان الماضي بمسلسل 'جعفر العمدة'، برفقة الفنانين، محمد رمضان، هالة صدقي، ايمان العاصي، وغيرهم.