فجرت الإعلامية بسمة وهبة مفاجأة من العيار الثقيل، خلال لقائها مع برنامج ET بالعربي، وبرأت زوجة مطرب المهرجانات حسن شاكوش 'ريم طارق'، من تصريحات زوجها، بشأن عدم علمه بزواجها السابق.
وقالت بسمة وهبة: 'في كلام بيدين ريم وأنا هبرأها منه، بيتقال إنها كذبت في أنها كانت متزوجة قبل حسن، لا ريم مكذبتش، وهي قاعدة معايا في برنامج العرافة، لما هاجمتها وقولتلها إنتي ليه سجدتي شكر لله في الفرح وده كده شو، قالتلي لا مش شو أنا كنت سعيدة.
وتابعت: 'قالتلي أنا حسيت إن ربنا رزقني بحاجة بيعوضني بيها عن تجربة سابقة عانيت فيها، فطبيعي إن التجربة اللي هي تقصدها دي كانت تجربة زواج'.
وأضافت بسمة وهبة: 'الناس قالت إن حلقة شاكوش وريم طارق فيها خراب بيوت، وأنا فعلا قولتلهم في الحلقة اللي بيقولوا شيخ العرافين ده خراب بيوت، وفي حاجات كمان اتشالت في المونتاج واتخانقت مع شيخ العرافين وقولتله أنت كدة بتخرب البيوت والناس بتهاجمني أنا'.
وأردفت: 'لو أنا السبب في طلاقهم زي ما الناس بتقول كانوا خرجوا من الحلقة واتطلقوا في ساعتها، مكنوش استنوا لبعد رمضان والعيد والفترة دي كلها'.
واختتمت بسمة وهبة حديثها، موجة رسالة إلى حسن شاكوش، قائلة: 'عايزة أقول لحسن أكيد أنت كنت عارف إن ريم كانت متجوزة قبلك، هي أصلا كانت رافعة قضية على جوزها السابق فـ أكيد دي حاجة مش هتستخبى عليك، وحسن داير يعني مش ممكن واحدة تضحك عليه وتفهمه إنها آنسة'.
تابعوا آخر أهل مصر على Google News
