ملهم الأجيال.. هشام إسماعيل: عادل إمام خلاني أطير في السما

وجه الفنان هشام إسماعيل رسالة للزعيم عادل إمام، بمناسبة عيد ميلاده الثالث والثمانين، الذي يحل اليوم.

عيد ميلاد عادل إمام

وقال هشام إسماعيل للزعيم عبر 'أهل مصر': 'كل سنة وحضرتك طيب، وربنا يديك الصحة وطول العمر ويخليك لينا، أنت تاريخ عظيم، وملهم لجيلي والجيل اللي قبلي واللي قبل قبلي، والجيل اللي بعدي واللي بعد بعدي، وهتفضل ملهم، انسان عصامي ناجح في شغله وفنان موهوب وله تاريخ وربنا يحفظك يارب يا زعيم'.

وأضاف هشام إسماعيل عن ذكرياته مع الزعيم عادل إمام قائلا:'من ذكرياتي أن أنا لما طلعت في عالم الاحتراف الفني، أنا ظهرت من مسرحية 'قهوة سادة' اللي تعتبر أهم عمل فني مسرحي قدم الجيل الجديد بتاعي للساحة، الاستاذ عادل جه وحضر المسرحية بنفسه في مركز الإبداع بالأوبرا وحضرلنا تاني بعدها بـ 3 سنين لما اتخرجنا برضه فى الاوبرا بالمسرح الكبير'.

وتابع هشام إسماعيل:'في المرتين وقف معايا واتكلم وقالي حافظ على صوتك وأنت جامد اوي وكلام خلى الواحد طاير في السماء، وغير كدا عزمنا على مسرحية بودي جارد واستقبلنا تاني واتصور معانا تاني لما حضر قهوة سادة وقعد يتكلم معانا عن المسرح وادانا نصائح في المسرح وأن الفنان المسرحي مختلف، عادل إمام مدرسة واسطورة، الله يديله الصحة يا رب'.