الكوباية انفجرت في وشها.. الفنان فريدة سيف النصر تتعرض لإصابة غريبة وتتهم الحسد

كشفت الفنانة فريدة سيف النصر إصابتها في الوجه، نتيجة تعرضها لموقف غريب جدا، متهمة إحدى جاراتها بالتسبب في هذا الموقف، بعد أن حسدتها.

اصابة فريدة سيف النصر

ونشرت فريدة سيف النصر صورة لها، عبر صفحتها على فيسبوك، وهي مصابة في الوجه والدم يسيل منها، وعلقت قائلة: 'الحمد لله..عندي دم.. إيه رأي الحبايب بقى.. على صباح ربنا من كام ساعة لابسة طرحة الصلاة.. وطنط بكيزه مش هقول اسمها.. قالت حبيت أشرب قهوتي معاكي.. اتفضلي.. وقالت إيه النور دا.. وشك منور أبيض بالطرحة، تصدقوا بالله راح منور أحمر'.

وتابعت: 'يعني إيه كوبايه تنفجر وتطير واحدة في شفتي وواحدة في خدي.. اتعذبت على بال ما طلعت، ودم نافورة قسما بالله نافورة وخرم غريب.. وبصراحة بقى بطلت أقول عادي.. لأ الحسد مذكور في القرٱن، الله يسامحها بقى قامت مشيت ومانطقتش بولا كلمة بس قالت الحمد لله مجاتش في عينك، طيب هاطلع وهاجيلك مرة تانية اطمن'.

وأضافت فريدة سيف النصر:'كمان عيني والنبي ماتيجي تاني لا تانيه ولا عاشرة، افتكرت كلمة إيمان الحصري نجمك خفيف دي بسيطة أنتي نجمك طائر، صح والله صح ومش عارفة علي ايه بس استغفر الله، لاحول ولاقوة الا بالله.. الحمدلله'.