محسن جابر بلهجة حادة لعمرو مصطفى: أحل ايه ده عيل..وأي حاجة هتتعمل لأم كلثوم هقفلها

رد المنتج محسن جابر على أزمته مع الملحن عمرو مصطفى التي أثيرت مؤخرا نتيجة استخدام الأخير صوت أم كلثوم بتقنية الذكاء الاصطناعي.

وأوضح محسن جابر خلال مداخلة هاتفية لبرنامج "ملفات"، الذي تقدمه الإعلامية أميرة بدر، على شاشة قناة "هي" قائلا: إنا إنسان كبير مش هنزل للمستوى ده، هي خناقة يا جماعة ده واحد عايز يشتهر.. لو له حق أدبي عنده محاكم بدل ما هو عمال يتنطط كدا يروح المحاكم احنا مش فاضيين له أحل ايه ده عيل وبقفل محطة بلاقيه طالع في محطة تانية".

وتابع محسن جابر عن امكانية الصلح مع عمرو مصطفى: "هو مبيقعدش لحد أصلا ولا بيحترم حد، وبيطلع يتكلم عليا واحد قد عيالي يقول بيتهرب من الضرائب، وأي حاجة هتتعمل لأم كلثوم هقفلها".