تامر حسني عن هالة عمر: "كانت من أهم المقاتلين والمدافعين عني"

أعرب الفنان تامر حسني عن سعادته بزفاف مديرة أعماله 'هالة عمر'، موضحا أنها كانت من أهم المقاتلين والمدافعين عنه على الإنترنت.

وقال تامر: 'هالة عمر عرفتها كانت بنت من الفانز صغيرة ومن المقاتلين والمدافعين عني على الإنترنت'.

تامر حسني عبر إنستجرام

وشارك الفنان تامر حسني متابعيه عبر صفحته الرسمية على موقع تبادل الصور والفيديوهات 'إنستجرام' قائلا: 'لكل اللي بيسأل عن ايه وجه القرابه بيني و بين العروسه الجميله دي شايف اسأله كثير انا هحكيلكوا في هي ، اسمها هاله عمر عرفتها كانت بنت من الفانز صغيره ومن المقاتلين والمدافعين عن تامر على الانترنت و من كتر دفاعها عني لفتت نظري و مره رديت عليها شكرتها'.

أول لقاء بين تامر وهالة عمر

وتابع: ' لما سافرت اسكندريه في الوقت ده لقيت بنت صغيره اوی بتعيط و بنجري عليا فا وقفتلها وفكرتني بنفسها و فضلت تعیط و تقولي احنا معاك و لازم تكمل عشان كنت بتحارب جداً في بداياتي فا اتصدمت ان اللي بتقول كده بنت صغیره کده و المجهود ده كله اللي عاملاه بنت صغيره عندها ١٤ سنه وقتها كانت السوشيال ميديا لسه بتطلع و كنا في شركتنا بندور على شركه كبيره تمسكلي السوشيال ميديا لحد ما قولتلهم انا مش عايز شركه كبيره انا عايز البنت الصغيره'.

وإستكمل: ' دي هي اللي تمسكها فضلوا يقنعوني ان كده مش صح ولازم اكثر حد خيره يمسكها وانا قولت لا لازم اکثر حد بيحبني هو اللي يمسكها وانا واثق ان طاقة الحب مفعولها اقوى من طاقة المحترف بلا حب فعرضت عليها تشتغل معايا وهي في السن ده مصدقتش طبعاً و من ساعتها و هي اللي ماسكه كل شغل الميديا الطفله الشاطره اللي كبرت دلوقتي قدامكم هاله عمر'.

وعن عريسها قال: ' اما بقى عريسها العسل ده اسمه عمرو طلب اديها مني انا عشان والدها ووالدتها توفاهم الله في سنه واحده رحمهم الله یاریت نفتكرهم و نهديلهم ثواب الدعاء و الفاتحه .. و من اللحظه دي اتحولت هاله لبنتي الكبيره بجد اللي بتتجوز دلوقتي قدامي و بسلمها لعريسها بنفسي و بغني في فرحها، معرفتش ارد على كلامك عنى في الفرح با هاله رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك و سندك و يكمل معاكي مشوار حياتك مع اولادكم الجمال بإذن الله'.