كانت سبب انفصال تامر حسني عن بسمة بوسيل .. من هي هالة عمر التي أثارت الجدل بحفل زفافها؟

تصدرت هالة عمر مديرة أعمال الفنان تامر حسني، محركات البحث على مواقع التواصل الاجتماعي، وذلك بعد أن نشرت الفنانة المعتزلة بسمة بوسيل صورًا لها. 

وكتبت بسمة على صورة نشرتها من حفل زفاف هالة عمر في حفل زفافها، عبر حسابها الشخصي بمواقع التواصل الاجتماعي، الانستجرام من خلال خاصية الاستوري، وعلقت قائلة: حسبي الله ونعم الوكيل فيكي يا هالة.

كما وجهت لها رسالة غامضة قائلة: “احترام العشرة بيبتدي باحترام مشاعر غيرك، بالذات لو حد كان سبب رئيسي في خراب بيتك وهدم حياة ولادك”.

وبدأ العديد من رواد السوشيال ميديا في البحث عن معلومات عن هالة عمر، ويرصد لكم موقع أهل مصر، من خلال هذا التقرير من هي مديرة أعمال تامر حسني وعلاقتها بانفصال الثنائي. 

من هي هالة عمر مديرة أعمال تامر حسني

وسرعان ما تساءل الجمهور عن هالة عمر التي هاجمتها بسمة بوسيل طليقة تامر حسني في ليلة زفافها. 

هالة عمر هي المسؤولة عن السوشيال للفنان تامر حسني منذ سنوات كثيرة.

وتعد هالة عمر من أكبر المعجبين بتامر حسني منذ طفولتها، وبدأت عملها مع نجم الجيل  في سن الـ 14 عامًا بعدما لفت انتباه تامر حبها الشديد ودفاعها المستمر عنه.

تعليق تامر حسني على اتهام بسمة بوسيل

وقرر تامر حسني الرد على الاتهامات الموجهة له عن علاقته ب هالة عمر، قائلا: «لكل اللي بيسأل عن إيه وجه القرابة بيني وبين العروسة الجميلة دي، شايف اسأله كتير أنا هحكيلكوا هي اسمها هاله عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت ومن كتر دفاعها عني لفتت نظري ومرة رديت عليها شكرتها ولما سافرت إسكندرية في الوقت ده لقيت بنت صغيرة أوي بتعيط وبتجري عليا فا وقفت لها وفكرتني بنفسها».

وأضاف تامر حسني: «وفضلت تعيط و تقولي احنا معاك ولازم تكمل عشان كنت بتحارب جدًا في بداياتي، فا اتصدمت أن اللي بتقول كده بنت صغيرة كده و المجهود ده كله اللي عاملاه بنت صغيرة عندها 14 سنة وقتها كانت السوشيال ميديا لسه بتطلع وكنا في شركتنا بندور على شركة كبيرة تمسكلي السوشيال ميديا لحد ما قولتلهم أنا مش عايز شركة كبيرة أنا عايز البنت الصغيرة دي هي اللي تمسكها، فضلوا يقنعوني إن كده مش صح ولازم أكتر حد خبرة يمسكها وأنا قولت لا لازم أكتر حد بيحبني هو اللي يمسكها وأنا واثق أن طاقة الحب مفعولها أقوى من طاقة المحترف بلا حب».

وتابع تامر: «فعرضت عليها تشتغل معايا وهي في السن ده مصدقتش طبعًا ومن ساعتها وهي اللي ماسكة كل شغل الميديا الطفلة الشاطرة اللي كبرت دلوقتي قدامكم هالة عمر، أما بقى عريسها العسل ده اسمه عمرو طلب إيديها مني أنا عشان والدها ووالدتها توفاهم الله في سنة واحدة رحمهم الله ياريت نفتكرهم ونهديلهم ثواب الدعاء والفاتحة».

وأكمل تامر حسني: «ومن اللحظة دي اتحولت هالة لبنتي الكبيرة بجد اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش ارد على كلامك عني في الفرح يا هالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله».