عمرو مصطفى: نفسيتي بايظة.. والفنانون لايذكرون اسمي على أغان من ألحاني (فيديو)

أكد المطرب والملحن عمرو مصطفى، أن التطور التكنولوجي الحالي يدمر نفسه بنفسه.

وقال عمرو مصطفى، خلال لقائه في برنامج 'التاسعة' عبر القناة الأولى: 'النهاردة تقدر تسجل لحد والتسجيل ممكن يتسرب، دلوقتي تقدر تقول دا مش صوتي دا ذكاء اصطناعي، مفيش حاجة تصدقها غير اللي تشوفها وتسمعها قدامك'.

وأضاف عمرو مصطفى: 'الموسيقى وثقافتنا تتدمر يوما بعد يوم ومشروع إحياء أغاني التراث ومشروع عندي من قبل كورونا 3 سنين بحضر في المشروع'.

عمرو مصطفى: المهرجانات مفيش حد قادر يسيطر عليها

وتابع: 'الذكاء البشري أقوى من الاصطناعي ألف مرة، والمهرجانات مفيش حد قادر يسيطر عليها، والقنوات مش بتكتب أغاني من ألحان عمرو مصطفى، وحقي الأدبي بيدمر أنا مش عارف اشتغل ونفسيتي بايظة ومطربين بيغنوا الأغاني بتاعتي من غير ما حد بيقول اسمي'.

وأكمل عمرو مصطفى: 'المطرب لو طلع غنى في حفلة ومقلش اسمي يبقى دا عيب يقولك لا مش عيب، طيب أنا لو أخدت صوتك دا برضة مش عيب، هتستبيح حقي الأدبي هستبيح حقك الأدبي، تقول اسمي أقول اسمك، مفيش أي حقوق ملكية فكرية لبصمة الصوت في أي مكان في العالم'.

وشدد عمرو مصطفى أنه يسعى للحصول على تعويض بسبب حقوقهم الملكية لألحانهم التي استخدمتها المهرجانات، مشيرا إلى أنه سيتبرع بتلك التعويضات لتحيا مصر، متابعا:'أريد تعويضا عن الأعمال التي استخدمت ألحانى ومن بينها المهرجانات'.