سماح أنور تعلن اعتزالها السوشيال ميديا

أعنلت الفنانة سماح أنور، عن اعتزالها السوشيال ميديا بشكل شخصي الفترة القادمة، مؤكدة على عدم رغبتها في التواصل مع جمهورها إلا من خلال أعمالها الفنية فقط.

وقالت سماح، من خلال فيديو نشرته صفحتها على موقع التواصل الإجتماعي 'فيسبوك': ' أنا مش هبقى فاضية خالص الفترة اللي جاية أطلع لايفات بشكل شخصي وأتواصل بشكل شخصي زي الأول ولكن هقدر أتواصل معاكوا بالطريقة اللي أنا متعودة عليها وأنتوا متعودين عليها من خلال أعمالي الفنية فقط لا غير'.

سماح أنور: "أنا حابة جدًا الفترة دي إني أبقى متفرغة لشغلي"

وأضافت: 'أنا حابة جدا الفترة دي إني أبقى متفرغة خالص لشغلي الأصلي الفني ودي الحاجة اللي أنا بحبها وحضراتكوا تعرفوني من خلالها من سنين طويلة .. أنا بعتذر من كل الناس اللي منتظرة مني لايفات شخصية ده مش هيكون متاح أبدًا بعد كده ولكن اللي هيكون متاح أخباري وأعمالي الفنية'.

وأنهت حديثها قائلة: 'بتمنالكوا كل خير وسعادة وإن شاء الله نتقابل دايمًا في أعمال فنية جديدة يا رب تعجبكم وطبعا أرائكم مرحب بيها جدا.. بشكركوا جدا على كل شئ وعلى متابعتي'.