مصطفى كامل بعد فوزه بمقعد نقيب الموسيقيين: لو مش قدها هتنحى

علق الفنان مصطفى كامل على فوزه بمقعد نقيب المهن الموسيقية، بالتزكية، بعد عدم ترشح أي من الموسيقيين أمامه، في دورة تستمر لمدة أربع سنوات قادمة.

وقال مصطفى كامل في تصريح لـ'أهل مصر': 'الحمد لله والشكر لله وشكرا لكل زملائي أعضاء الجمعية العمومية، من الصغير والكبير، وكل القامات الموسيقية والفنانين والدكاترة والأساتذة الكبار، اللي أتاحوا لي الفرصة ووضعوا الثقة فيا، إن محدش يترشح قدامي خالص الشكر وربنا يجعلني عند حسن ظنكم أن شاء الله'.

مصطفى كامل نقيبا للموسيقيين

وأضاف مصطفى كامل: 'حالة الحب والثقة بتخليك لازم تكون أمام نفسك رجل، بتبص في المرايا وتدعي ربنا إنك تبقى قدها، وحالة الثقة مش جاية بس من زملاء مهنتي، لكنها جاية من أساتذة كبار وقامات كبيرة أعطتني الثقة، فلازم تبص كل شوية في المرايا وتقول يا رب أفضل قدها، ولما تحس إنك مش قدها لازم تتنحى'.