ليلى علوي بعد مكالمة ابنها بالتبني: "هبقى حماة صعبة"

شاركت الفنانة ليلى علوى متابعيها عبر صفحتها الرسمية على موقع تبادل الصور والفيديوهات 'إنستجرام' بعض اللقطات من حلقة أمس مع برنامج 'كلمة أخيرة'، مع الإعلامية لميس الحديدي على فضائية on، والذي حلت ضيفة به، وعبرت الفنانة ليلى علوي عن سعادتها بمكالمة ابنها بالتبني 'خالد' خلال حلولها ضيفة في برنامج كلمة أخيرة حيث قالت 'دي كانت أحلى مفاجأة'.

ليلى علوى

حديث نجل ليلى علوي

وتفاجأت ليلى علوي، بمكالمة ابنها بالتبني خالد، حيث قال: 'أمي أحلى حاجة بحبها فيها حبها وطيبتها وقلبها الطيب الأبيض وأصعب حاجة أني أزعلها مني، وتكون بتتعامل معايا وأنا عارف أنها زعلانة'.

وتابع: 'من غير كوباية القهوة، ومن غير ما تنام 8 ساعات محدش بيعرف يقعد معاها في البيت، وعايز أقول لها مبروك على فيلمها الجديد شوجر دادي، ويارب كل فيلم يبقى أحلى من اللى قبله، وأتمنى لها كل خير وأوقات بروح لها الشغل، وأنا مقدر ظروفها'.

مواصفات الفتاة التي تتمنى ليلى علوي أن يتزوجها إبنها

وعقبت ليلى علوي على حديث نجلها: 'هو بيقدر ظروف شغلي، وفي الحقيقة أن تربية الولاد اصعب من البنات لإن هما لما بيكبروا بيبقى عندهم إحساس إنه مش عايز حد يعطيله ملحوظات ورجالتنا لازم نحافظ عليهم ونفهمهم الدنيا صح لإن هما بيفتحوا بيوت، انا هبقى حماة صعبة على ابني لو جاب لي حد كويس لازم هبقى صعبة عليه هو، عايزه بنت تكون سوية وبنت ناس ومتربية

خالد كل حياتي وفي وسط كل الشغل بفكر فيه اكتر، واكتر حاجة عايزاها انه يبقى مطمئن ومرتاح ولسه ملقاش طريقه، خالد ذكي جدا وطيب وهو طبيعي يطلع طيب لإن العيلة كلها كده بس احنا في زمن صعب وعلشان كدة خايفة عليه وبقلق عليه من الناس، ولكن انا مؤمنة ان أي حد بيعمل حاجة كويسة ربنا بيعوضه خير'.