برلنتي عامر: سعد الصغير اتشهر بسببي.. ومش راضي يطلقني

كشفت برلنتي عامر، زوجة الفنان سعد الصغير، حقيقة انفصالها عن المطرب الشعبي، خلال الفترة الماضية، بعد اكتشافها لخيانته المستمرة.

وخلال لقائها مع برنامج 'قعدة ستات'، الذي تقدمه الإعلامية مروة صبري على شاشة 'القاهرة اليوم' قالت عامر: 'اكتشفت خيانة سعد، لأننا منزلين أبلكيشن عند بعض وبنشوف كل يوم بشوف بيروح فين، ولقيته في مكان في حدائق الأهرام، وعرفت أنه بيقابل واحدة معرفة ولكن مش صاحبتي، وقابلتني من 3 سنين قالتلي هخطف منك سعد، ومزهقتش وفضلت وراه، ولما عرفت كلمتها اتصدمت في سعد نفسه إزاي يعمل كده وهو من 3 سنين كان بيشتم عليها وعملها بلوك'.

وردت 'عامر' على الانتقادات التي طالتها بسبب تشهيرها المستمر بزوجها سعد الصغير، قائلة: 'والناس مش طمعانة في سعد الصغير علشانه هو لأ علشاني، اللي خطفته مش حطاه في دماغها ولكن هي شايفة سعد معاه فلوس بس رغم أنه 53 سنة، ولكن هي طمعانة فيه حتى بعد عيد ميلادي اللي عملهولي، هي عايزة تتشهر وتطلع معاه في كليبات ومكنتش أعرف أن سعد يعمل كده وينزل مستواه'.

مش عايز يطلقني

أكدت برلنتي عامر على أنها لم تنفصل من زوجها سعد الصغير، مردفة: 'متطلقناش رسمي وأنا كتبت على فيس بوك انفصال ولكن هو لم يعلن، ومش راضي يطلقني، وعرفت حاجات صعبة بعد ما أعلنت انفصالنا، سعد الصغير اللي اتشهر بسببي واشتغل كتير بعد ما أتجوزني، وأما اتجوزنا قالي رجعتي سعد الصغير لمجده تاني'.