أثار مقطع فيديو لعروس وهي تضع الحذاء في قدمي عريسها ضجة كبيرة على مواقع السوشيال ميديا، حيث وثق المقطع لقطة للعروس، ليلة زفافها، وهي تجلس على الأرض لتغسل قدم زوجها وتلبسه جوربه وحذاءه .
رضوى الشربيني تعلق
وعلقت الإعلامية رضوى الشربيني على الفيديو، من خلال حلقتها أمس الخميس، في برنامج 'هي وبس'، المذاع على فضائية 'cbc سفرة'، حيث أعربت عن استيائها الشديد تجاه هذا الموقف، قائلة: 'لا هي عارفة تصون كرامتها، ولا هو راجل محترم عارف يصون شكل مراته ولا يعززها، وحاجة بقت بشعة'.
وقال رضوى: 'هعرض دلوقتي صورة وعايزة أعلق عليها، هي بقالها كام يوم موجودة على جميع وسائل التواصل الاجتماعي، وكان لازم أعلق على الصورة دي، وهي لزوجة تقوم بغسل رجل زوجها في الفرح، وتقوم بإلباسه حذائه، أنا معنديش إعتراض إن الست تلبس زوجها الجزمة، لكن احنا عندنا مشكلة مع المنظر دا، هل الراجل دا لما مراته توطي على الأرض أمام الناس دي كلها تلبسه الجزمة دا معناه إنه راجل سبع السباع، اللي هيمشي مراته على العجين، هل دا نموذج صالح، يعني هل إحنا بنشجع الست إنها توطي على رجلها بفستانها وبشكل جسمها أمام الناس، علشان تلبس عريسها وتغسله رجله يوم الفرح، ليه بنعمل كدا مين الطرف اللي فيهم اللي على حق الراجل ولا الست'.
وعلقت رضوى الشربيني على رد فعل الرجال عن هذا المشهد، قائلة: 'الرجالة طبعا قالت جدع وبرافو عليك يا عمي، أيوة كدا من أول يوم، إنت لما تخلي الست تميل بالطريقة دي إنت كدا راجل يعني، وإنتي بتعملي كدا إزي، لا دا جواز ولا دي الأصول ولا دي الأخلاق، ولا كدا دبحلها القطة، ولا كدة هتفضل طول حياتها تحت رجليه بتخدمه، مش هو دا الجواز يا جماعة اللي أهالينا ربونا عليه'.
مقطع الفيديو
كانت البداية عندما تداول رواد التواصل الاجتماعي على منصة تويتر، الفيديو الذي أثار الجدل منذ طرحه، وهو لعروس تركية يوم زفافها، حيث ظهرت العروس وهي جالسة على الأرض تقوم بغسل قدمي زوجها، وتحاول إلباسه جوربه وحذاءه.
تابعوا آخر أهل مصر على Google News
