جوري بكر: متوقعتش نجاح «وداد» أوي كدا.. ومازالت مخضوضة من جعفر العمدة

تحدثت الفنانة جوري بكر، عن نجاح شخصية 'وداد' في مسلسل رمضان 'جعفر العمدة'، قائلة: 'كنت متوقعة أن المسلسل هيكون حلو، بس متوقعتش الضجة الكبيرة اللي حصلت على دور وداد، أو على المسلسل كله'.

وأضافت: 'أنا لحد دلوقتي مخضوضة جدا، حاجة كنت بحلم بيها من 15 سنة من أول ما بدأت'، وتابعت: 'شخصية وداد موجودة في الشارع، نزلت بعض المناطق الشعبية ومنها السيدة زينب للتعرف على الناس هناك'.

وبسؤالها عن موقف زوجها من الشخصية، قالت: 'زوجي مكنش مصدق الدور أو أني أقدم الشخصية دي، أنا شخصية وداد أثرت عليا جداً'.

جوري بكر

وتابعت: 'المخرج محمد سامي هو من الذي اكتشفني في مسلسل البرنس، وللأسف مكنش ليا نصيب مشاركته في مسلسل نسل الأغراب'.

وبسؤالها عن مسلسل الاختيار ورفضها المشاركة به، قالت جوري بكر: 'أنا أترشحت لمسلسل الإختيار 3 واتقال إني اعتذرت عن الدور بس ده محصلش أنا معتذرتش عنه، حد تاني قام بيه'.

وعن تعاملها مع السوشيال ميديا، قالت: 'أنا مضطرة اني اكون موجودة على السوشيال ميديا هي الحاجة الوحيدة بتخليك متواصل مع كل حاجة، ولكن بكرة اللي بيحصل على السوشيال ميديا و الجانب السيء فيها وهذا سبب إغلاقي للتعليقات'.

وكشفت عن رغبتها في تقديم أدوار مع عدد من المخرجين منهم بيتر ميمي، شريف عرفة، كاملة أبو ذكرى، والمخرج محمد سامي مجدداً.

وعن النجمات، قالت جوري بكري: 'نفسي أمثر مع منى زكي، و نيللي كريم، والنجوم الفنان كريم عبدالعزيز'.

وكان راديو إنرجي 92.1 أعلن عن استضافة عدد من نجوم الشباب الذين تألقوا خلال الفترة الأخيرة وخاصة في الموسم الرمضاني تحت اسم 'نجوم بكرة'، ومن المقرر استضافتهم على مدار الأسابيع القادمة على مدار حلقات برامج إنرجي المختلفة.