نشر المطرب والمخرج أحمد ثروت، نجل الفنان محمد ثروت، عبر حسابه الشخصي على موقع التواصل الاجتماعي 'إنستجرام': الحمد لله كرم من ربنا وبفضل دعواتكم النهاردة بعد ١٦٠ يوم صراع مع متلازمة ميلر فيشر، أول يوم أنجح وأقف تاني على رجلي بعد عشرات الأسابيع ومئات المحاولات'.
وأضاف نجل الفنان محمد ثروت: 'اتعلمت كتير من اختبار ربنا ليا، اتعلمت الرضا، والحمد على كل حال وأن ستر ربنا علينا فوق كل شيء، ومدي تحملك بيجي معاه كرم ليك فالأخر، وأنه مش هيخذلك طول مأنت مسلم أمرك له، وأن عادي ممكن أبتدي تاني كل حاجة من الأول، ولسه في أمل طول ما في حياة'.
وتابع: ربنا الهمني في أول الإصابة أني أوثق الاختبار ده من أول يوم حتي الآن، وده عشان أول ما أقوم إن شاء الله، اتمني أكون سبب في التوعية لمثل هذه الأمراض النادرة، وأزاي لو لقدر الله اتصابت بيها أو حد قريب منك تتعامل معاه أزاي، لأن جزء كبير من التعافي هو الحالة النفسية للمصاب.
View this post on Instagram
وأكمل: حابب أقول حاجة من قلبي بجد، الكرم الي ربنا كرمني بيه ده نور لي حاجات كتيرة، خلاني أقعد مع نفسي أقيمها وعرفني قيمة نعمة نعمة، هو مديهالي زي أني أدخل الحمام لوحدي أو اعرف أكل لوحدي أو أمشي خطوة أو حتى أتحكم في جسمي والي معظم الناس ماتعرفوش أني كنت فقدت بصري لأسابيع في عيني اليسرى، وفقدت القدرة على التحكم فالكلام لأكثر من شهر.
وقد نشر أحمد ثروت هذا الفيديو لمحاولة مشي ناجحة وتعافيه من المرض بعد تعرضه لوعكة صحية امتدت أكثر من 160 يوما، جراء إصابته بمرض مناعي نادر يسمى 'ميلر فيشر' الذي أسفر عن توقف الحركة والمشي عنده.
تابعوا آخر أهل مصر على Google News
