وجهت ريم طارق، رسالة لزوجها مؤدي المهرجانات حسن شاكوش تقول فيها: 'مش عايز تديني هدومي ليه؟!'، ورد أحد المتابعين عليها قائلا: 'يمكن هيلبسهم'، وهو تفاعلت معه ريم وردت: 'مش عارفة يمكن يكون هيلبسهم'.
ريم طارق
تفاصيل رسالة ريم طارق لحسن شاكوش
وتحدثت ريم طارق عن زيجتها من شاكوش، خلال بث مباشر لها عبر صفحتها الرسمية الشخصية بموقع التواصل الاجتماعي إنستجرام، حيث قالت: ''كانت البداية أخدت تمكين وروحت أنا ووالدي عشان أخد حاجتي من الفيلا، اتفاجئت بإن الأمن بيقولي أستاذ حسن بلغنا امبارح إنه طلقك ومش مسموح بدخولك، دلوقتي أنا طالعة اللايف دا عشان أسأله مش عايز تديني حاجتي ليه؟!'.
وتابعت: ''هو دلوقتي يا جماعة ممتنع عن تنفيذ قرار محكمة، واختلطت عنده الأمور لأنه اتجوز بنات كتير جدا من الكويت والجزائر والمغرب وكلهم عرفي، وكان بيعمل معاهم نفس الحركة، يضحك عليهم وياخد لبسهم وأوراقهم ومجوهراتهم، وكل حاجة، بس أنا مش هتقدر تعمل معايا حاجة لأنك اتجوزتني رسمي، وأنا ليا ضهر واقف معايا وحاميني'.
وأكملت: 'حسن معندوش حاجة اسمها صلاه ولا صيام، يا ريت يقتلني يا جماعة هبقا مبسوطة أوي، وأي واحدة شايفة إني غلطانة تروح تتجوزه، أنا مأخدتش حاجة، عملت تمكين عشان أعرف أدخل البيت'.
وتابعت: ''اللي هتبعتلي الجملة دي تاني هعملها بلوك، أنا مكنتش أعرف إنه كاتبها كده عبستك إزاي، دي قريتها غلط، كنت فاكرة إنه كاتب عبسطك إزاي وانتي مش بتستني''.
وأكملت: ''النهاردة اتقال لضابط النجدة إني اتطلقت فلو إنت طلقتني عشان القضية اللي أنا رفعتها وقبل ما تعرف اللي هيحصل، فخلاص مبقاش في سر فلو إنت طلقت عرفني، عشان أطلع أقول للناس السبب اللي خلاك تيجي وتتجوزني وكنت بتخبي إيه ورا حكاية جوازنا دي''.
ريم طارق
ونشرت ريم طارق مقطع فيديو من أمام فيلا مسكن الزوجية، بصحبة رجال الأمن، وذلك عقب حصولها على قرار تمكين، مبينة أن حسن شاكوش اعتدى عليها بالسب والشتائم أمام الجميع.
تابعوا آخر أهل مصر على Google News
