«مصرفش عليا جنيه وكان هيطلقني على الكافيه».. طليقة حسن شاكوش تكشف أسرار جديدة

حلت ريم طارق ضيفة على الإعلامية بسمة وهبة ببرنامج 90 دقيقة، على قناة المحور، وكشفت عن العديد من الكواليس الخاصة بـ أزمتها مع طليقها مؤدي المهرجانات الشعبية حسن شاكوش.

وقالت ريم طارق في حديثها:'بابا تواصل معاهم وقالهم هاتوا حاجات ريم وهما مكنوش راضيين، كانوا عايزين يقابلوه برة على كافيه فحصل نزاع ما بينهم، وكان عايزين يطلقوني على كافيه، وبابا قالهم أنا عندي بيت، المفروض زي ما جيتوا خدتوها من البيت تيجوا وتعرفوني عيوب بنتي ايه عشان لو هي عندها غلط أنا أربيها، والله العظيم بابا قال لهم كدخ هاتوا الناس اللي عندكوا كلهم ونقعد لو بنتي فيها عيب أنا هتنازل عن كل حاجة، مرضيوش ييجوا البيت'.

وأضافت طليقة حسن شاكوش:'لما عرفوا أني رحت عملت محضر إثبات حالة بأن حاجتي هناك عندهم، ابتدوا يكلموا بابا، وحد من مديرين أعماله كلموا ولاد عم بابا وقالوا أحنا عايزين نخلص بس بمزاجنا بالحجات اللي نشوف أن ده حقها، فلما عملت محضر إثبات حالة هما معجبهمش الوضع لأنه مشهور، وحسن راح باعتلي وقالي أنتي بتكتبي على السوشيال ميديا ودي لعبتي أنا هتسلي عليكي، أنا هعمل شركة تتسلى عليكي أنتي وأهلك'.

وتابعت:'نزلوا صورنا واتكتب عليها كلام وحش وأن أنا سبوبة واللي عايز يدفع أكتر، حسن مجبليش حاجة أصلا عشان هما يقولوا أني سبوبة، حسن مصرفش عليا جنيه، مخدتش منه جنيه، هو كان محضر بيته وحجات العروسة أنا جبتها وجاب شبكة بسيطة جدا'.