علا رامي: «الناس فرقت بيني وبين أبو الليف.. وأنا أديته فرص كتير» (فيديو)

كشفت الفنانة علا رامي عن سبب انفصالها عن الفنان نادر أبو الليف، بعد قصة حبهما الشهيرة، مؤكدة: «أنا أديته فرص كتير وكان ظاهر إني بغير عليه وده محصلش».

وقالت علا رامي خلال لقائها في برنامج “قعدة ستات” المذاع على شاشة “القاهرة اليوم”، إنها انفصلت عن نادر أبو الليف بسبب الجمهور: «الناس فرقت ما بينا، عشان شايفنا إننا مش شبه بعض».

علا رامي تكشف سبب انفصالها عن الفنان نادر أبو الليف

وأضافت: «الناس كانت بتقول احنا بنحبك لوحدك وبنحب أبو الليف لوحده، مش السوشيال ميديا هي اللي اتحكمت إذا كنا نكمل ولا لأ.. احنا سيبنا بعض عشان في تراكمات كتير حاجات بسيطة على حاجات بسيطة فبقت مشكله كبيرة، فقولنا كل واحد يروح لحاله أحسن».

واستكملت علا رامي حديثها: «بنسأل على بعض لغاية دلوقتي وبنتكلم، وباركتله على جوازه وأطفاله.. وربنا يوفقه في حياته، مقدرناش نستمر مع بعض لظروف كتير».

وقالت علا رامي إن العلاقة بينها وبين أبو الليف انتهت وهما الآن أصدقاء فقط: «بدي فرصة واتنين وتلاتة وعشرة.. لغاية ما خلاص وبقلب الترابيزه وبكون استنفذت كل وسائل الصلح، وكان ظاهر قدام الناس أني بغير عليه، ولكن الحقيقه مكنتش كده، هو كان لسه صاعد وعنده حفلات، وفي الآخر ربنا يوفقه».