حسن الهلالي صاحب أكبر شنب في مصر: شاربي سر نجاحي وباصرف عليه كتير (فيديو)

شارك الفنان حسن الهلالي، صاحب أكبر شارب في مصر، بالانتخابات التي تعقد، اليوم الثلاثاء، في مقر نقابة المهن التمثيلية بشارع البحر الأعظم، حيث أدلى بتصريحات لـ'أهل مصر'، قال فيها: 'شاركت مؤخرا في فيلم بعد البشر، من إنتاج أحمد السبكي، وبطولة: على ربيع، وأوس أوس، وعبد الباسط حمودة، وبيومي فؤاد'.

حسن الهلالي صاحب أكبر شنب في مصر

وأضاف: 'كليب سطلانة عمل شغل جامد والحمد لله، أنا عامل شغل كوميدي، ولابس الحلة في دماغي وعمال أقول أوه سطلانة.. والحمد لله عامل فرقة دلوقتي أسمها فرقة العقلاء وبنرجع زمن الفن الجميل، زمن الفنان إسماعيل ياسين، وشغلي مسمع في أعياد ميلاد وحفلات وأفراح'.

وعن شنبه قال حسن الهلالي: 'مربي شنبي من زمان من أيام الحج فتحي شنب، قالي عايزك تهتم بشنبك لأن هو النجاح وشهرتك، وهيدخلك في مجال الفن وسمعت كلام الحج فتحي، وكان معانا كوافير اسمه ياسر إمام كان بيظبطلي الشنب لله، وبصرف عليه مصاريف كتير جدا جدا، بستخدمله سبريهات، واستشوار وزيوت وشغلانة جامدة بصراحة مصاريف جامدة للشنب'.