كشفت الفنانة داليا البحيري تطورات حالتها الصحية بعدما أعلنت مؤخرا عن تعرضها لحادث وصفته بالصغير، حيث تسبب اختلال توازنها في سقوطها على المسرح، ولفتت إلأى أنها استكملت تقديم مسرحيتها 'سيدتي أنا' ثم توجهت إلى المستشفى.
وقالت داليا البحيري في تصريحات لبرنامج عرب وود على هامش حضورها العرض الخاص لفيلم 'أولاد حريم كريم':'الحمد لله الزرقان ابتدى يروح وبحرك ايدي وكله تمام الحمد لله.. كانوا خمس جوائز بس مفيش فايدة برضه'.
تطورات حالة داليا البحيري
وأعرب الجمهور والمتابعين عن عضبهم من تخميسها بيدها في وجههم فعلق أحدهم قائلا:'بتخمسي في وشنا على أساس حسدناكي ايه قلة الذوق ديه'، وقال أخر:'هي ملهاش جمهور اصلا'، وعلق أحدهم:''بتخمسي حلو'.
وكانت داليا البحيري نشرت عبر إنستجرام صورتين الأولى للأشعة التي خضعت لها على كفيها، والأخرى بعد الإصابة، وعلقت:' 'حادثة صغيرة على ما قسم كده، اختل توازني على المسرح ووقعت واقعة جامدة حبتين، ونزلت بكل حملي على إيدي وحسيت برجة جامدة في دماغي، وجع رهيب، إيدي ورمت قلت بس أنا اتكسرت، كملت العرض الحمد لله وطلعت على الطوارئ، هوب إشاعة، هوب الحمد لله مفيش كسر بس فيه مزق في وتر الإبهام أدى إلى إن العضمة اتحركت من مكانها ياختيييي'.
وأضافت داليا البحيري: 'كل ده تمام وألف حمد وألف شكر إنها بتيجي على قد كده، المشكلة بقى يا جماعة في إني اكتشفت إني مش عارفة أعمل أي حاجة بمعنى أي حاجة من غير الصباع ده، لا عارفة ألبس ولا أقلع ولا أفتح إزازة الماية، مش عارفة أشيل حاجة، مش عارفة أفتح باب العربية ولا أي أكرة، مش عارفة أسرح شعري ولا أغسل وشي ولا أي حاجة، وكمان مش عارفة أعمل scroll ، مش عارفة أعمل like، آه والله ال Like بتوجعني جدا، بس برضو الحمد لله دائما وأبدا، ما يقع إلا الشاطر'.
تابعوا آخر أهل مصر على Google News
