الناقد الفني إلهامي سمير: إيمان أحب فريد الأطرش وتزوجت شقيقه

روى الناقد الفني إلهامي سمير، قصة حب الفنانة إيمان الشديد للفنان فريد الأطرش، وذلك عبر حسابه الشخصي على موقع التواصل الاجتماعي 'فيسبوك'.

وكتب إلهامي: 'غيمان كانت متيمة بفريد الأطرش، وكانت بتحتفظ بصوره فى دولابها، ولما تعرف أن الإذاعة هتذيع له أغنية كانت تقعد تلزق جنب الراديو ما تتحركش، ووصل بيها الحال والاعجاب لدرجة أن لما واحدة زميلتها فى المدرسة قالت فريد ده دمه تقيل ضربتها واتحبست يومها 4 ساعات زيادة فى المدرسة ومع ذلك كانت سعيدة ومبسوطة لأنها انتقمت لفريد'.

إيمان وفريد الأطرش

وتابع: 'وبعد ما وصل بيها الإعجاب إلى حد الخيال قررت أنها تكلمه فى التليفون علشان تعبر له عن إعجابها الشديد بيه، لكن المشكلة أنها كانت كل ما تكلمه أخوه فؤاد هو اللى يرد لحد ما فى يوم قالت له : أنت دمك تقيل اوي فقالها وأنتى كمان.. فقالت: أنا لو شفتك فى مكان هخنقك .. فقال وأنا كمان.. فقالت: أنت بارد اوي.. فرد وقال ايه ؟ بالظبط .. قالها وانتى كمان.. وقفلت بعدها السماعة'.

واضاف الهامي سمير:'مرت فترة وبعدها إيمان قابلت فريد وفؤاد فى الاوبرج فحكت لفريد اللى حصل مع أخوه.. وهنا رد فؤاد وقال بابتسامة ' انتى اخدتيها جد يا مدموزيل؟' وبدأ يعاملها بذوق ورقة لحد ما الاتنين استلطفوا بعض وبعد فترة لقوا انهم بيحبوا بعض.. وقرروا انهم يتجوزوا'.