يوسف فوزي: صورنا مشهد ضرب أحمد زكي في النمر الأسود 9 مرات.. وكان يبكي من الضحك

أكد الفنان يوسف فوزي، أنه حقق نسبة 80 % من أحلامه في التمثيل، وراض عن نفسه، وعما وصل إليه حتى وقتنا الحالي.

وأضاف يوسف فوزي، أثناء حديثه في برنامج "تفاصيل"، مع الإعلامية نهال طايل، عبر فضائية "صدى البلد 2": "كان نفسي أقدم شخصية السباح العالمي عبد اللطيف أبو هيف، لأنه كان بيعوم معايا في نادي الجزيرة، وحكالي في مرة أنه قال لصفوت الشريف لو هيعملوا شخصيته في يوم من الأيام، عاوز يوسف فوزي هو اللي يعمل النص التاني من حياته".

وأشار يوسف فوزي، إلى أن الفنانة نادية الجندي من النجمات التي تحترم مواعيدها ومحترفة، ولا شك في موهبتها كما أنه تعرف على المنتج محمد مختار من خلالها.

وتكلم يوسف فوزي، عن موهبة نادية الجندي قائلا: "مازالت روحها حلوة وشخصيتها طاغية، لما كنا بنصور فيلم شبكة الموت روحنا السينما لقيت الناس كلها مستنياها قدام الباب، وأول ما جات الأتوبيسات كلها وقفت والسواق والكمسري نزلوا علشان يشوفوها، عندها جاذبية كبيرة جدا ولقب نجمة الجماهير تستحقه".

وتابع: "أحمد زكي من النجوم اللي فاجؤوني، كنا بنصور مع بعض فيلم النمر الأسود، وفي مشهد أعدناه 9 مرات، هو كان بيعيط من الضحك علشان ضربته، وعمل المشهد بطريقة حلوة أوي.. وقالي أنا متوقع بعد 3 سنين خبرة، هتكون زي رشدي أباظة في يوم من الأيام".