بتفتح عليا بالمفتاح وأنا في سابع نومة.. فريدة سيف النصر تكشف تعرضها للسرقة

كشفت الفنانة فريدة سيف النصر، عن تعرضها للسرقة من مدبرة منزلها، قائلة عبر حسابها بفيس بوك: 'لما يكون عندك حد نافعك أوي، لأن مش أي حد يحب الكلاب، وأنت كل شوية حاجات بتتاخد بجد مش هزار، وحاجات باينة أوي، يعني هدوم مش أي حاجة لازم ينقصوا، يتاخدوا على مرتين وترجع ترميلك نص فتتخيل أنك أنت اللي مادورتش وفجأة اختفاء كامل'.

وأكملت قائلة: 'دا بقى غير مفروشات قسمًا بالله أطقم كاملة بمخداتها ونظارات، إكسسوار، جزم، أدوات مطبخ كاملة، والله العظيم ما باقي حاجة كاملة خالص أول بأول، ومفيش حد تاني بيعمل الحاجات دي خالص عشان تشك في اتنين'.

وواصلت فريدة سيف النصر: 'أول ما تغير مكان حاجة بحجة النظام أعرف إنها هتاخدها أو تلخبط الأدراج وكله يتكعبل في كله، أما أنا فأنشغل في حاجات وحاجتي فعلَا تختفي، أعمل إيه؟ أواجها وأنا مبحبش أحرج حد واجرحها؟ ولا أمشيها واحتاس ودوول عائة كاملة نافعاني؟، ولا أروح عندهم على غفلة زي ماقالوا لي.. وطبعًا مش ممكن أبدًا أعمل كده'.

واختتمت:' بجد زهقت ومحتارة سرقة علني، وطبعًا بيتفتح عليا بالمفتاح وأنا في سابع نومه.. ومع الأسف بدي الأمان لكل الناس.. تعبت.. والله تعبت.. حسبي الله ونعم الوكيل.. قولولي أعمل إيه؟.