كشفت النجمة ياسمين صبري عن العديد من الأمور والجوانب والتي تهم محبيها ومتابعيها مؤكدة إنها لا تنفق على مظهرها كثيرا وأن هذا اتفاق مع العلامة التجارية التي تعمل معها.
واستكملت ياسمين صبري خلال حلولها ضيفة على برنامج الحكاية مع الإعلامي عمرو أديب والمذاع على فضائية mbc حيث قالت :'' ربنا أنعم عليا بالشكل ودي حاجة منقدرش ننكرها، فالشكل ساعدني أكون واجهة للعلامات التجارية وأنا كملت ده بالواجهة والأسلوب واللبس، مفيش حاجة كاملة، ولما بيبقى معايا صديقتي وجوزها ييجي أنا بمشي على طول عشان هي تكون مرتاحة لحد ما تُصر إني أقعد معاهم.
ياسمين: لم أصل للعلامة التجارية بالواسطة
وأكدت ياسمين صبري على إنها لا تعتمد على الوسائط أبدا، وقالت: لو فيه بنت صغيرة بتقول عايزة تبقى زيي كدة وفاكرة إن لازم وسايط ومحمد بيه وكده، لا ولا فيه واسطة ولا حاجة ووصلت لعلامات تجارية كبيرة من غير واسطة.
مش بصرف جنيه العلامات التجارية هما اللي بيصرفوا
وتابعت :'' بشوف كومنتات ناس بتقول هي بتصرف كل الفلوس دي إزاي؟ واللي مش عارفينه إني مش بصرف جنيه.. لما الإنسان بيكون واجهة بتيجي علامات تجارية تقول أنا عايز الست دي تمثلني وتكون السفيرة بتاعتي لأنها بتدي انطباع. وأنا بعمل دعاية بطريقة غير مباشرة، لإن الإعلانات المباشرة واللي بالغصب وبالعافية كانت زمان والناس هتنفر مني كده.
بشتغل 18 ساعة
وأضافت ياسمين صبري: اللي الناس بيشوفوه اه هو حياتي، ومن يومين بقول في الاستوري صباح العمل والبركة لقيت الناس بتقولي فين العمل ده انتي بتصوري القهوة بس؟، لأ أنا مش بحب أصدر التعب والحاجة الصعبة مش أكتر، والشغل بيكون صعب التصوير مثلا الإعلان بيتصور في 18 ساعة في اليوم عشان 20 ثانية تطلع.
مين يزعل من التطور المادي
واختتمت ياسمين صبري حديثها، قائلة: أنا لا أكوّن عدائات ودرست ده، ومين يزعل من التطور المادي وليه الموضوع ده بيكون حاجة حساسة بالنسبة للناس، والإنسان لازم يعمل قيمة لنفسه مش بس يعتمد على أنا ابن فلان، بالعكس ده ممكن يبقى نقمة والناس هتعاملك عشان ابن فلان بس، والفلوس حلوة أكيد والأحلى إنك تعرف تعملها.
تابعوا آخر أهل مصر على Google News
