ياسمين صبري تشيد بالذكاء الاصطناعي: هيكون أكثر كفاءة من الإنسان

أثارت الفنانة ياسمين صبري الجدل بعد إشادتها بـ تقنية الذكاء الاصطناعي، خلال ندوة في منتدى الإعلام العربي بدورته الـ 21، ضمن فعالياته في دبي.

كشفت الفنانة ياسمين صبري خلال الندوة عن رأيها في تقنية الذكاء الاصطناعي وقال: 'هيكون أكثر كفاءة من الإنسان في الفترة الجاية، ومعنديش مانع في استخدام شخصيتي بالذكاء الاصطناعي في صناعة الدراما وهوقع على حقوق الملكية عشان الاستخدام'، مؤكدة أن الذكاء الاصطناعي سيؤثر على العديد من مجالات الحياة ليس فقط صناعة الدراما العربية.

ياسمين صبري

قالت الفنانة ياسمين صبري إنها تحب الأنثى بشكل عام مؤكدة إنها لن تغضب من بعض التعليقات التي تريد أن تمتلك مثل مقتنياتها وملابسها.

وأدلت ياسمين صبري خلال حلولها ضيفة على برنامج الحكاية مع الإعلامي عمرو أديب والمذاع على فضائية mbc مصر بالعديد من الصريحات حيث قالت: لما بيبقى معايا صديقتي وجوزها ييجي أنا بمشي على طول عشان هي تكون مرتاحة لحد ما تصر إني أقعد معاهم، وفيه رجالة ذوق بيروحوا من نفسهم مع زوجاتهم عادي، والراجل هو اللي بيخلي خزان الثقة بتاع الست فاضي أو مليان.

واستكملت ردا على تعليقات أحد المتابعين لها عن حجم ثروتها حيث قالت: هما عارفين أنا عندي إيه في البنك ، كله بيقول لحقت تعمل كل ده امتى وتجيب كل ده ولبسها وشنطها؟ والطيارة الخاصة مش بتخلي الإنسان محصلش ولا بتعمل إنسان، أنت اللي بتعمل قيمة للحاجة.

وكشفت ياسمين عن المهنة التى كانت ترغبها لو لم تعمل بالفن حيث قالت: '' لو مكنتش ممثلة كنت هكون سيدة أعمال أو محامية لإني بعرف أتناقش وأتفاوض وبالي طويل وصبورة ونفسي طويل ومرنة.

وتابعت: ''الست بتحب كل حاجة حلوة والطاقة الأنثوية بتحب كل حاجة حلوة وعينيها تروح للحاجة الحلوة، بتحب الشياكة والجمال والشكل الحلو حسب إمكانياتها وطبيعي الست تبقى عايزة يبقى معاها الحاجات الحلوة.

وتابعت :'' أنا بحب الستات أوي وبقدرهم ولما الست بتتكلم معايا على طول أشكر فيها وأقولها انتي قمر وريحتك حلوة، وتستغرب تقولي أنا؟، ومش بسكت وبفضل أأكد على معلومة إن الست حلوة، ودي صدقة أصلا وجبر خواطر وهترجع وتقعدلك في رزق وجمال وسعادة.. دي فلسفتي.'.