أوضحت الفنانة رباب ممتاز، سبب وقوع خلاف بينها وبين المنتج محمد السبكي في فيلم «حلاوة روح».
وقالت «رباب»، خلال لقائها ببرنامج «بنت البلد» المذاع عبر قناة «TeN»، إنها تعرضت للاتهام بمحاولة ركوب الترند بعد تصريحاتها ضد السبكي، مؤكدة أنها شخصية بعيد تمامًا عن فكرة الترند.
«معنديش مشكلة في اللبس»
وتابعت: «أنا لو عايزة أعمل ترند، عندي حاجات كتيرة أوي، أنا متكسفتش من اللي قولته، لأن ده حصل بالفعل، والمخرج سامح عبدالعزيز شاهد»، مضيفة: «محمد السبكي طلب مني ألبس لبس مفتوح، وإحنا متفقين على لبس محدد من شهر، أنا معنديش مشكلة في اللبس، لكن اللبس كان غير مناسب للشخصية».
لا مشكلة مع السبكي
وأكملت: «طب إيه بتحطني قدام الأمر الواقع، خلاص مش هشتغل، ومشيت، أنا عادي بلبس لبس زي ده وقدمته في أعمال تانية زي مسلسل ذات، لكن الشخصية هنا متنفعش تلبس لبس مفتوح»، موضحة أنه لا يوجد لديها أي مشكلة مع السبكي.
ألفاظ مش كويسة
وكشفت رباب ممتاز ما حدث معها قائلة: «وأنا بلبس في اللوكيشن، وكنا متفقين على اللبس وبقالنا شهر بنحضر للمشاهد، دخل المنتج محمد السبكي قال ألفاظ مش كويسة، وقال إيه ده دي لابسة كده ليه؟ دي تقلع هدومها، كل فريق العمل كان موجود، قال تفتح هدومها، عاوز هدوم مفتوحة».
تابعوا آخر أهل مصر على Google News
