بسمة وهبة تفاجئ متابعيها: هعلن عن مصيبة النهاردة في برنامجي

فاجأت الإعلامية بسمة وهبة، جميع متابعيها، قائلة إنها ستعلن خلال حلقة برنامجها 90 دقيقة، الليلة، عن موضوع مهم للغاية بشأن الحصار الإسرائيلي لغزة، واصفة المعلومات التي لديها بأنها مصيبة.

وقالت بسمة وهبة، عبر خاصية الاستوري، بحسابها الشخصي على موقع تبادل الصور والفيديوهات الشهير إنستجرام: 'في مصيبة هعلن عنها النهاردة في برنامجي 90 دقيقة، وكارثة سودا هطلع أقولها وأجري على الله، أقولها بالعبري علشان يعرفوا إننا كشفناهم، ولا مصري وإحنا بس اللي نسمعها'.

الحصار الإسرائيلي لغزة

وكانت الاعلامية بسمة وهبة تعرضت للعديد من الانتقادات والسخرية بعدما ظهرت في برنامج 90 دقيقة وهي تتحدث باللغة العبرية ، وعلقت على هذا الهجوم من خلال حسابها بموقع انستجرام قائلة:'أنا مصرية ولغتي عربية، معرفش عبري، حاولت أتكلم عبري زي الناس اللي بتفك الخط في الإنجليزي، أنا بفك الخط في العبري'.

وتابعت بسمة وهبي:'إيه اللي مضايقكم، ما كل واحد يبص في ورقته، اللي غيران مننا يعمل زينا، أنا وصلت لكل المنصات اللي في إسرائيل، مضايقين من كده عشان كده عاملين لجان سخافة، مشوفتش أكتر من كدة سخافة وحقد وغيره، موتوا بغيظكم، فاضيين أوي ورايقين أوي، ونسينا أهلنا في فلسطين، بجد فاضيين وحقودين ومنفسنين، حاولوا تركزوا في مذابح غزة بدل ما تركزوا في لغتى، وأنها لازم تكون متقنة، لا بجد شاطرين أنتوا أوي أجندة رسمي بس طظ فيكم وهستمر ولا يفرق'.