وجه الفنان أحمد جمال رسالة عبر حسابه الرسمي على موقع التدوينات القصيرة/ إكس، تعليقا على الأحداث الصعبة التي تشهدها المنطقة.
وكتب أحمد جمال: 'كلمة للشباب الصغير اللي أنا حاسس بيه ومتفهم الحماس اللي عنده تجاه اللي بيحصل في غزة ومن متابعتي لكل البوستات والاقتراحات والآراء الكتير أوي، دي عايز أقولكم إحنا عندنا جيش وطني مخلص فاهم كويس أوي، ودارس المخطط اللي نفسهم يحققوه من زمان، وعارف أن الاستفزاز المتكرر وجر رجلنا للحرب دا عشان يخلص على اقتصادك، ويستغل الظروف الصعبة اللي إحنا فيها دلوقتي'.
وتابع :'اوعى تفكر ان قيادات جيشك مش فاهمين المخطط، أوعى تفكر أنهم مستنيين البوست بتاعك بتاع افتح الحدود واضرب ورد وادخل حارب دلوقتي، بالعكس هو بيتعامل بحكمة وبعقل عشان اللي فشلوا يحققوه ب(سد النهضة) من تحت و(داعش وليبيا ) من الغرب و(إرهاب وداعش بسيناء) من فوق و(تفجير كنايس ومساجد ) و(الفتنة الطائفية) قبلهم من الداخل، وغيرها وغيرها من المخططات'.
وأكمل: 'أنت هتنجحهم أنهم يستنفزوك في حرب هما دلوقتي بيفرضوها عليك، ومش بس هما ده أمريكا وحلفاءها، ساعتها هيبقوا بيحاربوا ضدك أنت مش هتحارب إسرائيل لوحدها.. اللي عايز أقوله إن قرار الحرب قرار كبير، وإذا ماكانش برغبتك وفي التوقيت اللي أنت تحدده، مش هما هتبقى الخساير أكبر بكتير'.
وواصل أحمد جمال:'ثق في جيشك - ثق في قيادتك - خليك في ضهر بلدك وحبها زي ما بتحب الخير لجيرانك، وقبل كل ده ثق في ربنا اللي حامي مصر وحامينا من كل اللي فات، معقول مش هيحمينا من كل اللي جاي'.
تابعوا آخر أهل مصر على Google News
