أيمن وتار عن فلسطين: أبقى راجل بايخ لو اتكلمت

أعرب الفنان والمؤلف أيمن وتار، عن انزعاجه الشديد مما يتعرض له الشعب الفلسطيني على يد الكيان الصهيوني ومقتل الآلاف منهم على مدار الـ40 يوما الماضية.

وقال أيمن وتار في تصريح لـ'أهل مصر': 'رسالتي وكلامي هيفرق معاهم في إيه، الدعم من رأيي يكون بالفلوس، بأننا ننشر اللي هما بيقولوه، كلنا شايفين الناس بيحصل فيها ايه، كلامي هيعمل معاهم ايه؟، أبقى راجل بايخ لو اتكلمت هقولهم ايه'.

غزة تحت الحصار

وتابع أيمن وتار:'أساعدهم أني أوصل للناس معاناتهم، وحاليا فيه إحساس بالعجز عند الناس كلها، مش عارفين نعمل إيه، وسياسيا مش عارفين نعمل حاجة برضه، بسبب الدعم السياسي الأمريكي لاسرائيل، الموضوع شائك جدا ربنا يعينهم ويكون فعونهم أحنا نقدر ندعم باللي نقدر ندعم بيه بس الكلام مش كفاية وده اللي أنا شايفه'.

ويعاني شعب فلسطين منذ ما يقارب من 40 يوما، من فظائع ومجازر على يد الكيان الصهيوني الغاشم، الذي يواصل قصف وحصار أهل غزة وتسبب في مقتل أكثر من 10 آلاف شهيد فلسطيني، أغلبهم من النساء والأطفال والمسنين.