كشفت أسما شريف منير عن أفكار مبتكرة من أجل التبرع لـ أهل غزة، ومساعدتهم في المحنة التي يمرون بها، قائلة: 'عملنا كولكشن لدعم فلسطين وجزء من الأرباح هنتبرع بيها لأهلنا في غزة'.
وأضافت: 'أنا بجد من يوم ما بدأت الأحداث وأنا مش عارفة أشتغل ولا عارفة أنزل الفيديوز العادية بتاعتي، حاسة بخجل غير عادي، وأنا مصدر رزقي الأساسي هو صناعة المحتوى والدعاية للشركات، فمكنتش عارفة أعمل أي حاجة، وحاسة إني نفسي أساعد بأي شكل، ومع تغير وتصاعد الأحداث قررنا نقاطع، ومن ضمن المقاطعة في استخدام المنتجات كمان قطعت الشغل معاهم'.
وتابعت: 'فجالي فكرة الـhoodies دي، حسيت إنها فكرة متكاملة الأركان، لأني مش حاسة بتأنيب الضمير وأنا بعمل دعاية ليها، وفي نفس الوقت باشتغل عشان أنا زي أي حد محتاجة شغلي، وعندي التزامات، بس حسيت إني كدا بشجع منتج محلي، وبدعم القاضية، بدعمي ليها دا إني بتبرع بجزء من الأرباح، وبينشر رسالة توعية عن الأحداث وبخلي اسمها باقي'.
واختتمت: 'وأنا بدعو كل صناع المحتوى أنهم يقدموا منتج مصري محلي، بطريقتهم لدعم فلسطين، وكلنا نشجع بعض عشان نعدي المحنة دي مع بعض'.
تابعوا آخر أهل مصر على Google News
