عبرت الفنانة منى زكي، عن سعادتها حيث قامت بتوجيه الشكر لفريق عمل فيلم «رحلة 404» بطولة الفنانين محمد فراج ومحمد ممدوح قائلة: «أحب أوجه الشكر لفريق فيلم رحلة 404 الرائع اللي استمتعت جدا بالتعاون معاهم».
حبيت تجربتنا سوا
وتابعت، عبر صفحتها الرسمية بموقع تبادل الصور والفيديوهات «إنستجرام»: «أنا حقيقي حبيت تجربتنا سوا، واستمتعت بيكم ومعاكم وبمواهبكم الجبارة اللي أضافت لي وأضافت للفيلم ككل».
شكرا لمحمد فراج ومحمد ممدوح
وأكملت: «شكرا لزميلي النجم محمد فراج صاحب الموهبة الكبيرة، واللي قدمنا سوا أعمال ناجحة قبل كده، ويارب الفيلم ده كمان يكون له نفس الحظ من نجاحنا المشترك، وأيضاً زميلي العزيز محمد ممدوح (تايسون) اللي بحب وبحترم فنة وموهبته لأقصى درجة، ووجوده كضيف شرف في الفيلم كان حاجة كبيرة أوي بالنسبة لي، وطبعا النجم الكبير والممثل اللي دايما بنستمتع بحضوره خالد الصاوي».
شيرين رضا
واختتمت: «وطبعا الممثلة الرائعة شيرين رضا اللي نورت الفيلم بجد والمتميز للغاية محمد علاء.. وأكيد كل الشكر للسينارست الموهوب محمد رجاء اللي كتب نص حقيقي مختلف وإنساني و بابداع حقيقي، وأولا وأخرا شكرا للأستاذ المخرج هاني خليفة على مجهوده و إيمانه بالمشروع وتوجيهاته ورؤيته المهمة دايما».
تابعوا آخر أهل مصر على Google News
